Correos e Telégrafos
A CIG denuncia o patrocinio de Correos a La Vuelta por 2 millóns de euros.
A CIG denuncia o patrocinio de Correos a La Vuelta por 2 millóns de euros.
Correos, dependente da SEPI, intenta xustificar este patrocinio argumentando que La Vuelta é unha «estratexia publicitaria clave» para a compañía, tanto a nivel de negocio como de visibilidade.
Non obstante, desde a CIG consideramos que este tipo de investimentos son unha clara desviación dos obxectivos que debería ter unha empresa pública, que non é outra cousa que servir á sociedade e garantir un servizo de calidade para todos os cidadáns.
Ademais, resulta escandaloso que o Comité de Inversións de Correos aprobase este contrato o pasado 27 de maio, alegando que Unipublic obtivo a «maior puntuación» e presentou a «oferta máis vantaxosa».
Desde a CIG denunciamos que os fondos públicos se destinen a patrocinios deportivos cando existen tantas carencias nos servizos esenciais.
Correos leva sendo o principal patrocinador de La Vuelta desde 2019, e aínda que xa colaborara con anterioridade en accións publicitarias, isto non xustifica que se siga malgastando o diñeiro público nun momento de crise económica e social. A CIG esixe que se poña fin a estas prácticas e que os recursos se destinen a contratación para mellorar os servizos postais e a atender as necesidades reais da poboación.
NON AO PATROCINIO DA VOLTA!!
POR UN CORREO PÚBLICO E DE CALIDADE!!
A CIG denuncia o peche da oficina de Correos no Porto pesqueiro de Vigo
A CIG-Correos denunciou este luns que a empresa pública Correos decidiu pechar sen aviso previo a oficina situada no Porto pesqueiro de Vigo, un dos centros económicos máis importantes da cidade e do país. A decisión, tomada de forma unilateral,
A CIG denuncia o peche da oficina de Correos no Porto pesqueiro de Vigo
A CIG-Correos denunciou este luns que a empresa pública Correos decidiu pechar sen aviso previo a oficina situada no Porto pesqueiro de Vigo, un dos centros económicos máis importantes da cidade e do país. A decisión, tomada de forma unilateral, obriga ao tecido empresarial da zona a desprazarse a outras oficinas da cidade para realizar xestións, dificultando o acceso á Administración e aos servizos postais.
A central sindical cualifica a medida de incoherente e irresponsábel, xa que contradí os discursos tanto da empresa como do Goberno español, que salientan a importancia de Correos como ponte entre a cidadanía e a Administración. “Mentres din que hai que achegar servizos públicos, péchanse oficinas en puntos clave coma o Porto pesqueiro de Vigo”, critican.
A CIG lembra que Correos foi recoñecido como servizo esencial durante a pandemia e que recentemente foi designado como servidor de servizos de interese económico xeral, polo que consideran “escandaloso” que se reduzan recursos nun sector estratéxico.
Ademais, sinalan que a situación económica de Correos é delicada pola caída do produto postal e pola "nefasta xestión" dos seus responsábeis.“No canto de reforzar os puntos fortes, como o porto de Vigo, optan por debilitalos”, engaden.
A CIG fai un chamamento ao Concello de Vigo e á Autoridade Portuaria para que tomen cartas no asunto e impidan a perda dun servizo vital para as empresas da cidade.
Medios de comunicación:
A CIG sindicato maioritario na Galiza convoca folga en Correos o 27 de Xuño
.png)
A CIG convoca FOLGA o vindeiro venres 27 DE XUÑO en contra do Acordo Marco asinado por Correos e os sindicatos CCOO, UGT e CSIF.
Estes sindicatos están citados para ratificarse na negociación o día 30
A CIG sindicato maioritario na Galiza convoca folga en Correos o 27 de Xuño
A CIG convoca FOLGA o vindeiro venres 27 DE XUÑO en contra do Acordo Marco asinado por Correos e os sindicatos CCOO, UGT e CSIF.
Estes sindicatos están citados para ratificarse na negociación o día 30 de xuño e comezar coa segunda Fase do proceso. Nesta Segunda Fase pretenden modificar á baixa as condicións laborais e retributivas de todos os traballadores e traballadoras de Correos e ademais que o negociado no Acordo Marco se inclúa no IV Convenio Colectivo.
Estas son algunhas das medidas da Segunda Fase (que xa se están aplicando):
- Compromiso de que os gastos de persoal anual non superen o 70% dos ingresos. Isto quere dicir que como mínimo debe reducirse o cadro de persoal de Correos en 8 mil traballadores/as. Ademais de Contratación Cero ou reducida a mínimos nunca vistos en Correos.
- Un Plan de saídas de traballadores/as LOWCOST para o persoal laboral feita á medida para reducir gastos á empresa.
- Creación do “Cuarto Turno”, de martes a sábado tarde. Non especifica cal será o sistema de selección dos traballadores/as nas unidades afectadas que pasarán a prestar servizo nesa quenda.
- Modificar a estrutura dos grupos profesionais e Áreas funcionais. Traducido CHICO PARA TODO pretenden que fagamos o traballo de ATC, Axente Clasificación ou Reparto segundo as necesidades da Empresa.
- Transformación Integral do Rexime Retributivo, despregando sistemas de medición individual do desempeño e incentivos.
- Calendario estacional variable en función da carga de traballo prevista en cada estación. Variarannos o horario en determinados meses do ano, as xornadas non poderán ser inferiores a 5 horas nin superiores a 9 horas diarias.
- Comprométense a actualizar, aínda máis, a mobilidade funcional, xeográfica e intercentros.
- Se queres cobrar unhas esmolas máis ao final de mes terás que vender os teus dereitos e NON desfrutar as vacacións nos meses de xullo, agosto e setembro ou poñer a disposición da empresa o 10% da túa xornada anual, é dicir 170 horas.
Se firman estes sindicatos o día 30 de xuño seremos os empregados das empresas públicas con menos dereitos de toda administración.
A CIG NON VENDE OS DEREITOS,
DEFENDEOS !!
6ª Resolución Concurso de traslados: Só 53 prazas na Galiza, unha merda !!
Adxudicáronse un total de 585 postos
(581 laborais fixos, 4 funcionarios)
incluídos 96 cambios de provincia.
Na Galiza
A Coruña: 27
Lugo: 5
Ourense: 7
Pontevedra: 14
UNHA 💩.
Os postos adxudicados corresponden ás seguintes áreas:
- 186 de Atención ao Cliente (70
6ª Resolución Concurso de traslados: Só 53 prazas na Galiza, unha merda !!
Adxudicáronse un total de 585 postos
(581 laborais fixos, 4 funcionarios)
incluídos 96 cambios de provincia.
Na Galiza
A Coruña: 27
Lugo: 5
Ourense: 7
Pontevedra: 14
UNHA 💩.
Os postos adxudicados corresponden ás seguintes áreas:
- 186 de Atención ao Cliente (70 Xornada Completa e 116 Xornada Parcial)
- 321 de Reparto 1 Moto (301 Xornada Completa e 20 Xornada Parcial)
- 31 de Reparto 2 a Pé (todos a Xornada Completa)
- 47 de Axente de Clasificación (46 a Xornada Completa e 1 Parcial)
Un 23% da adxudicación corresponde a postos de xornada parcial (137), mentres que só 129 traballadores/as pasaron de xornada parcial a completa.
Calendario
Consulta a través de Conecta – Persoas – Convocatorias ou directamente na plataforma de procesos masivos, do mesmo xeito que se fixo a inscrición. Terás acceso á túa información individualizada e a consultar os méritos xerais por provincia, unidade e posto. Tamén permite descargar o listado definitivo da asignación. Para problemas de acceso á plataforma, diríxete ao CAU.
Cesamento con data do 30 de xuño de 2025.
Incorporación efectiva ao novo destino o 1 de xullo de 2025, seguindo os seguintes prazos:
- Ao día seguinte se o traslado é dentro da mesma localidade.
- Dous días se o traslado é entre localidades da mesma provincia ou illa.
- Seis días se o traslado é entre localidades da Península que non pertenzan á mesma provincia.
- Dez días se o traslado é entre illas ou entre illas e Ceuta, Melilla e Península.
O persoal que opte por substituír o prazo de toma de posesión pola percepción económica debe enviar a solicitude no ANEXO INCORPORACIÓN ANTICIPADA ata o 10 de xuño de 2025 á unidade provincial da Xerencia de RRHH da localidade de destino ou á Xerencia das provincias correspondentes.
O prazo establecido para incidencias relacionadas co proceso tamén será ata o 10 de xuño de 2025.
Para máis información ponte en contacto
cas delegadas e delegados
de CIG Correos na túa comarca.
Pedro Saura na Comisión de Facenda e Función Pública
Intervención completa de Pedro Saura, de todos os partidos políticos e resposta do presidente na comparecencia da comisión de Facenda e Función Pública do pasado 28 de maio 2025.Ler máis
Pedro Saura na Comisión de Facenda e Función Pública
Paulo Carril reelixido Secretario Xeral no IX Congreso da CIG
“Non nos limitamos a xestionar a realidade, aspiramos á súa transformación revolucionaria”
O IX Congreso da CIG, celebrado baixo o lema “A Forza da Nosa Clase. Traballo. Dereitos. Soberanía” elixiu este sábado a nova executiva confederal, a comisión
Ler máisPaulo Carril reelixido Secretario Xeral no IX Congreso da CIG
“Non nos limitamos a xestionar a realidade, aspiramos á súa transformación revolucionaria”
O IX Congreso da CIG, celebrado baixo o lema “A Forza da Nosa Clase. Traballo. Dereitos. Soberanía” elixiu este sábado a nova executiva confederal, a comisión de garantías e reelixiu a Paulo Carril como secretario xeral con 508 a favor, 30 en branco e 3 nulos. Tras dunha intensa xornada de debate, as e os congresistas debateron e aprobaron os relatorios de Acción Sindical por 427 votos a favor e 1 abstención, e de Organización, por 378 votos a favor e 1 abstención. Os documentos recollen as liñas de traballo que han guiar a acción da CIG nos vindeiros catro anos.
A Forza da Nosa Clase
O reelixido secretario xeral, Paulo Carril, foi o encargado de clausurar o Congreso que, tal e como explicou, serviu “para poñer a punto o ideario da central sindical, con novas liñas de actuación coas que facer real o lema do Congreso, A Forza da Nosa Clase, para defender o Traballo, os Dereitos e a Soberanía”. Lembrou ademais que a CIG afrontou este Congreso como a primeira forza sindical en Galiza, cun 31,05% de representación (5.131 delegadas e delegados) e un crecemento afiliativo histórico, superando as 86.000 persoas afiliadas.
Na súa intervención, destacou que estes resultados demostran a capacidade da clase traballadora galega para organizarse de forma soberana, “sen sermos sucursal nin franquía de ningunha organización con centro de decisión fóra de Galiza”. Subliñou ademais que este foi un Congreso de reafirmación do sindicalismo nacionalista e de clase da CIG, fiel aos principios que guiaron as loitas obreiras desde 1972 e á memoria de Moncho Reboiras, asasinado pola policía franquista hai 50 anos.
En referencia ao contexto global fixo referencia á crise do capitalismo neoliberal, o cambio climático e unha ofensiva imperialista liderada polos Estados Unidos, coa complicidade da Unión Europea. Denunciou o xenocidio do pobo palestino por Israel, apoiado por EUA e a UE, como exemplo da “maquinaria de agresións e crimes contra a humanidade” que promove guerras, bloqueos e sancións para manter a dominación colonial.
Fronte a isto, considerou urxente unha Europa dos Pobos e da Xustiza Social, a superación do eurocentrismo, da Europa dos Estados, a dependencia dos EUA, avanzar nas relacións cos BRICs e o recoñecemento do dereito de autodeterminación dos pobos e nacións, como Galiza. “Unha Europa que faga seu o Convenio dos Dereitos Humanos do Consello de Europa e garanta o cumprimento da Carta Social Europea”.
No ámbito estatal, criticou o aumento do gasto militar, que supera o 2% do PIB, mentres se ameazan os servizos públicos con recortes, e sinalou a submisión do Estado español aos ditados do FMI, do Banco Mundial e da Unión Europea.
Medre do fascismo
O secretario xeral da CIG alertou contra o medre do fascismo que considerou resultado “da renuncia a confrontar as políticas neoliberais con programas de Goberno alternativos, a construír unha alternativa emancipadora, de soberanía dos pobos e que supere o capitalismo, poñendo fin á explotación de clase, á OTAN e ao imperalismo”.
Fronte a iso apostou por reforzar o sindicalismo de confrontación que representa a CIG, promovendo o conflito e a folga como ferramentas para conquistar dereitos. “O tempo que tardamos en mobilizarnos é o tempo que perdemos en gañar dereitos”, insistiu Carril, destacando os incrementos salariais logrados en Galiza, os maiores do Estado, grazas á acción sindical da CIG.
Rueda ao servizo da ofensiva colonial
No caso galego, Carril denunciou o Goberno de Rueda como “complemento perfecto” das políticas neoliberais estatais, que afondan na dependencia económica e política de Galiza. Criticou a negativa da Xunta a impulsar un concerto económico que permita controlar os recursos galegos, a privatización de servizos públicos e a “ofensiva colonial” que condena Galiza a ser un territorio de sacrificio, subministrador de recursos minerais, enerxía e auga. “Vivimos un espolio que destrúe terras, montes e o mar, ameazando sectores produtivos clave e xerando un dano social e ambiental irreversible”, alertou, citando mobilizacións contra proxectos como Altri ou a mina de Touro-O Pino.
O secretario xeral tamén abordou os impactos da dixitalización e da intelixencia artificial, que precarizan o traballo e aumentan a explotación baixo o control de multinacionais. “Non hai planificación pública para o benestar social, só un novo negocio para o capital que empeora as condicións de vida e ameaza empregos e dereitos”, advertiu. Neste contexto, a CIG aposta.
Lembrou que a CIG comprometeuse a redobrar esforzos para construír un Marco Galego de Relacións Laborais, con plenas competencias lexislativas, e un modelo galego de negociación colectiva que combata a precariedade e a pobreza laboral. Defendeu, ademais, a necesidade de políticas públicas que prioricen as maiorías sociais, poñendo os recursos galegos ao servizo do emprego digno, da diversificación produtiva e do equilibrio territorial, para frear a emigración e a desertización social.
No ámbito político, o secretario xeral criticou o diálogo social estatal, liderado por CCOO e UGT, como unha “fosa común” que enterra os dereitos laborais, e denunciou a reforma laboral de 2021 como a “institucionalización da pobreza laboral”. Sinalou que a presenza de forzas soberanistas, como a CIG, é clave para frear as derivas centralistas e reaccionarias no Estado español, condicionando decisións políticas a través da loita social.
Carril concluíu cun chamamento á mobilización, asegurando que “a CIG é unha ferramenta de transformación social, comprometida coa emancipación de clase e a soberanía nacional. Non nos limitamos a xestionar a realidade; aspiramos á súa transformación revolucionaria”.
Instou á clase traballadora a organizarse, e ao conxunto do sindicato a “ter máis atrevemento e decisión na acción sindical, con propostas concretas na negociación colectiva e nas empresas, para confrontar as múltiples e variadas caras que hoxe ten a precariedade, a pobreza laboral, a explotación da xente nova que se incorpora ao traballo, para responder ao desemprego, ás desigualdades, á exclusión social, como tamén aos abusos e ao trato inhumano á poboación migrante”. E rematou citando a Castelao que dixo que “a loita nobre e leal das ideas é o que asegura o progreso”.
Calendario Laboral 2025: tarde, mal e arrastro.
Nin as 35 horas prometidas nin contratación. Así é o Calendario Laboral de Correos e os sindicatos asinantes do Acordo Marco CCOO, UGT e CSIF. Un copia e pega de anos anteriores.
Así queda establecido o calendario laboral para 2025:
- XORNADA
Calendario Laboral 2025: tarde, mal e arrastro.
Nin
as 35 horas prometidas nin contratación. Así é o Calendario Laboral de Correos
e os sindicatos asinantes do Acordo Marco CCOO, UGT e CSIF. Un copia e
pega de anos anteriores.
Así queda establecido o calendario laboral para 2025:
- XORNADA ORDINARIA: Será de 37,5 horas de media semanal, en cómputo trisemanal. Para o persoal en réxime de especial dedicación será de 40 horas semanais. Cando se superen as 5 horas de xornada diaria continuada, poderase gozar dunha pausa de vinte minutos, como traballo efectivo.
- XORNADA: Adaptarase en cada centro ás necesidades operativas atendendo á actividade concreta que se desenvolva. Para a xornada de 37´5 horas poderán establecerse quendas de mañá, tarde e noite. A quenda de tarde estará comprendida, como norma xeral entre as 14:30 horas e as 22:00 horas
- SEMANA SANTA: O servizo prestarase co persoal mínimo imprescindible que garanta o desenvolvemento da actividade da empresa. A prestación de servizos ese día será retribuída coa compensación correspondente.
- VACACIÓNS: Axústanse ao recollido no III Convenio Colectivo para o persoal laboral e ao Acordo Xeral para o persoal funcionario.
- DÍAS ADICIONAIS DE VACACIÓNS: Uniranse ás vacacións. Se se gozan en dous períodos, a cada un deles engadiranse os días hábiles correspondentes, procurando que a distribución sexa equilibrada. Excepcionalmente, sempre que as necesidades do servizo o permitan, os días adicionais poderanse gozar sen unir ás vacacións e en período distinto ao vacacional.
- 6 DÍAS DE ASUNTOS PARTICULARES: Correos pretende condicionar o goce dos 6 días de AP a que 3 días se desfruten no primeiro semestre e os 3 días restantes no segundo semestre. Os días de AP poderanse prorrogar ata o 31 de xaneiro de 2026, sempre e cando exista denegación por escrito. Sempre que organizativamente sexa compatible coas necesidades do servizo e cos recursos humanos dispoñibles, poderanse acumular os días por asuntos particulares ás vacacións anuais.
- DÍAS DE ASUNTOS PARTICULARES POR ANTIGÜEDAD (CANOSOS): Os días de 2025 poderanse gozar polo persoal funcionario ata o 31 de decembro de 2025.
- CAMPAÑA DE NADAL/PAQUETERIA: O persoal operativo poderá gozar de ata dous días de permiso sen penalización, tras garantir unha adecuada cobertura no servizo.
- DÍAS 24 e 31 DE DECEMBRO: O persoal que traballe os días 24 e 31 de decembro será o mínimo imprescindible. O persoal que traballe eses días percibirá a gratificación correspondente por cada un dos días traballados.
- DÍAS 25 DE
DECEMBRO e 1 DE XANEIRO: Como
norma xeral non se prestará servizo eses días. Os empregados/as dos centros de
tratamento que traballen as noites dos días 25 ao 26 de decembro e 1 ao 2 de
xaneiro, realizarán as horas adicionais de festivo que sexan necesarias.
Plataforma Sindical contra o Acordo Marco
Os sindicatos CIG, LAB, SIPCTE, ESK, Intersindical Canaria, ELA e Intersindical Valenciana, seguimos traballando desde a unidade sindical para dar unha resposta conxunta á traizón máis grande que se perpetrou aos traballadores e traballadoras de
Plataforma Sindical contra o Acordo Marco
Os sindicatos CIG, LAB, SIPCTE, ESK, Intersindical Canaria, ELA e Intersindical Valenciana, seguimos traballando desde a unidade sindical para dar unha resposta conxunta á traizón máis grande que se perpetrou aos traballadores e traballadoras de Correos e que se plasmou en forma de Acordo Marco asinado o 31 de decembro de 2024 por Correos e os sindicatos CCOO, UGT, CSIF e SL e ratificada posteriormente por CCOO, UGT e CSIF o 15 de marzo.
Desde a unidade sindical temos realizado asembleas informativas nos centros de traballo, así como concentracións e roldas de prensa de forma coordinada coa finalidade de dar a coñecer, non só aos traballadores e traballadoras de Correos senón tamén á opinión pública, o recorte de servizos e a precarización de dereitos laborais e retributivos que se pretende cunha AMAZONIZACION da empresa, pero sen paquetes.
PRIMEIRA FASE (período inicial de negociación ata 15/03/2025 e que foi ampliado ata o 30/06/2025)
- Saída de persoal funcionario mediante excedencias incentivadas (Persoal total actual 2.800 funcionarios/as)
- Peche de Centros CEX e recolocación dos axentes clasificación deses centros a postos de reparto na mesma localidade ou provincia.
- Convocatoria de Exame de Ingreso (medida para contentar a unha OOSS que fai un negocio moi lucrativo)
- Compromiso de que os gastos de persoal pasen do 85% actual ao 70% en 2 anos. (Redución entre 8 mil e 13 mil traballador@s)
- Transformación integral do réxime retributivo, aplicando sistemas de medición individual do desempeño e incentivos. (Cobrarás dependendo do que repartas e/o vendas)
- Calendario estacional onde ata un 10% das horas por xornada serán variables en función da carga prevista en cada estación. (Fixaranse no calendario laboral e a xornada diaria non poderá ser inferior a 5 horas nin superior a 9 horas)
- Comprométense a afondar e actualizar, aínda máis, a mobilidade funcional e xeográfica. (Poderán cambiarche as funcións así como de centro de traballo dependendo das necesidades do servizo)
- Aplicarase unha xornada de cuarta quenda, de martes a sábado tarde, naquelas unidades operativas onde as necesidades do servizo o aconselle. (En principio será con criterios de voluntariedade, pero xa sabemos que cando non hai voluntarios pasa a ser obrigatorio)
- Tomaranse as medidas necesarias co fin de redistribuir o persoal das quendas mañá e tarde nun 60% - 40%. Na actualidade é dun 80% mañá e 20% tarde. Do mesmo xeito que no punto anterior se non hai voluntariedade irase á obrigatoriedade.
- Incentivar de maneira voluntaria o desfrute das vacacións fóra do período de verán. (É dicir vender o teu dereito para desfrutar das túas vacacións en xullo, agosto ou setembro)
- Aplicarase unha bolsa de horas, que será voluntaria e compensada, sobre o 10% da xornada anual en positivo e negativo, para poder regular as variacións de carga de traballo cun pre-aviso de 15 días.(por ao dispor da empresa 170 horas da túa xornada anual para que as empregue cando o precise.
Nas nosas seccións sindicais tes á túa disposición o texto íntegro do Acordo Marco para que ninguén te engane con falsedades ou medias verdades.
Os sindicatos CIG, LAB, SIPCTE, ESK, Intersindical Canaria, ELA e Intersindical Valenciana defendemos un CORREOS PÚBLICO E DE CALIDADE dicimos NON AO ACORDO MARCO e loitamos por un CONVENIO DIGNO.
👇👇👇👇👇👇👇👇👇
CIG-Correos mobilízase contra o Acordo Marco e por un Convenio digno.
 |
| Santiago de Compostela |
Manifesta o seu rexeitamento ao acordo marco asinado por CCOO, UGT, CSIF e Sindicato Libre e reclaman un convenio digno.
Representantes da CIG-Correos concentráronse este xoves 10 de abril diante da oficina principal, na Rúa do
CIG-Correos mobilízase contra o Acordo Marco e por un Convenio digno.
|
| Santiago de Compostela |
Manifesta o seu rexeitamento ao acordo marco asinado por CCOO, UGT, CSIF e Sindicato Libre e reclaman un convenio digno.
Representantes da CIG-Correos concentráronse este xoves 10 de abril diante da oficina principal, na Rúa do Franco de Santiago de Compostela, en defensa do futuro de Correos e de todo o persoal. A mobilización coincidía coas convocadas LAB, SIPcte, ESK, Intersindical Canaria, ELA e Intersindical Valenciana en Barcelona, Iruñea-Pamplona, Santa Cruz de Tenerife, Bilbo, Donostia e Gasteiz.
As organizacións sindicais advirtem da posible imposición dunha modificación do III Convenio Colectivo e do Acordo para o persoal de Correos que pode incluír graves consecuencias para as condicións de traballo e por extensión para o servizo postal público que prestan.
Advirten que as condicións do persoal de Correos poden seguir degradándose aínda máis porque, segundo denuncian, a empresa e os sindicatos CCOO, UXT, CSIF e Sindicato Libre asinaron un acordo que pode supoñer a destrución de miles de postos de traballo ao pasar os gastos de persoal do 85% actual ao 70% en 2 anos, vincularse o réxime retributivo con medicións individuais do desempeño, implantar un calendario laboral no que un 10% das horas por xornada serán variables en función da carga prevista e dar outra volta de porca máis na mobilidade funcional, xeográfica e intercentros. “Todo isto influirá directamente na cantidade e calidade do emprego así como na prestación dun servizo público de calidade en favor da comunidade que realiza a empresa pública”, afirman.
Desde a unidade sindical contraria ao devandito acordo, esixen unha regulación con dereitos para o futuro IV Convenio Colectivo e o Acordo, no que se melloren aspectos centrais como son o salario, a xornada, a conciliación e a saúde laboral. Apostando por Correos como un Servizo Público de calidade. Con demandas como a inclusión da cláusula de revisión salarial para vincular os soldos ao IPC, a instauración das 35 horas semanais, a cobertura real de todas as prazas estruturais e a recuperación de miles de postos de traballo perdidos, “totalmente oposto ao que nos queren impor desde Madrid”.
COA CIG NA RÚA A LOITA CONTINUA
Concentracións 10 de Abril contra o Acordo Marco
.jpg)
Persoal Funcionario - Excedencias Incentivadas 2025
O pasado día 3 de abril, con presenza da CIG celebrouse a reunión da Mesa Sectorial para tratar as Excedencias Incentivadas para o persoal Funcionario.
Os Funcionarios/as que queiran acollerse ao programa de Excedencias Incentivadas deberán cumprir os
Ler máisPersoal Funcionario - Excedencias Incentivadas 2025
O pasado día 3 de abril, con presenza da CIG celebrouse a reunión da Mesa Sectorial para tratar as Excedencias Incentivadas para o persoal Funcionario.
Os Funcionarios/as que queiran acollerse ao programa de Excedencias Incentivadas deberán cumprir os seguintes requisitos e condiciós:
Ø
Poderán solicitalas os funcionarios/as de
tódalas áreas funcionais, independentemente do posto que ocupen e que teñan
cumpridos os 57 anos de idade.
Ø
Incluirase, como criterio preferente para a
súa concesión, as condicións psicofísicas da persoa traballadora para o
desempeño do seu posto de traballo, a idade do traballador/a e a antigüidade en
Correos.
Ø
A data de efectos da excedencia debe fixarse
no período comprendido entre o 1 de xullo e o 31 de decembro do 2025.
Ø
Ás persoas funcionarias de máis de 60 anos ás
que lle concedan deberán presentar a solicitude de xubilación o día seguinte á
data de concesión da excedencia.
Ø Correos abonará as cotas de Muface, con todos os dereitos inherentes a esta situación. Correos NON paga as cotas de Clases Pasivas por tanto se queres xubilarte co 100% debes ter cumpridos os 35 anos de servizo.
Ø O número de mensualidades a percibir serán publicadas no Anexo da convocatoria. As mensualidades recollerán os seguintes conceptos: soldo, prorrateo paga extras, trienios, complemento especifico, complemento de destino e como novidade tamén o CPA
O abono da indemnización farase da seguinte maneira:
Ø Se o funcionario/a ten 59 anos ou máis a indemnización abonarase nun só prazo.
Se o funcionario/a ten 58 anos ou máis, a indemnización abonarase en dous pagos iguais, percibindo o primeiro pago na nómina do mes de concesión e o segundo pasado 13 meses
Ø
Se o funcionario/a ten 57anos ou máis se
abonarase en tres pagos, o primeiro coa nómina do mes de concesión, o segundo
aos 13 meses da súa concesión e o terceiro aos 26 meses da súa concesión.
Dende
o 7 de abril o 24 de abril de 2025 ambos incluídos
A tramitación será on-line a través da Intranet corporativa no apartado Convocatorias do Canal de Persoas.
Na Mesa a CIG fixo as seguintes propostas para mellorar:
Rebaixar a idade de
57 a 55 anos para acollerse ao programa de Excedencias Incentivadas. (Non
atendida)
Que se incremente
substancialmente a dotación orzamentaria pasando dos 3 millóns previstos a 8
millóns de euros coa finalidade que se poidan acoller un número significativo
de funcionarios/as. Lembremos que na anterior convocatoria só puideron
acollerse os que cumpriron 60 anos antes do día 13 de novembro. (Atendida
parcialmente) 6.329.456 € orzamento final.
CLASES PASIVAS: Que Correos
cotice a clases pasivas coas mesmas condicións coas que realiza o abono das
cotas de MUFACE. (Non atendida)
INDEMNIZACIÓN: Solicitamos que se
incrementen as mensualidades nos tramos de idade. Así como que se inclúan nas
mensualidades os conceptos do Complemento de Produción e Asistencia (CPA) e o
Complemento Especifico II (Tramos)
(Atendida Parcialmente) Incrementan o CPA
PRORROGA “IN EXTREMIS” DO ACORDO DA VERGONZA ASINADO POR CCOO, UGT e CSIF
A CIG dixo alto e claro na reunión da Mesa Sectorial en Madrid do día 13 de marzo que NON ía a subscribir ningún Acordo que non conteña melloras substanciais nas condicións laborais e retributivas dos traballadores e traballadoras de Correos.
Tamén
Ler máisPRORROGA “IN EXTREMIS” DO ACORDO DA VERGONZA ASINADO POR CCOO, UGT e CSIF
A CIG dixo alto e claro na reunión da Mesa Sectorial en Madrid do día 13 de marzo que NON ía a subscribir ningún Acordo que non conteña melloras substanciais nas condicións laborais e retributivas dos traballadores e traballadoras de Correos.
Tamén expuxemos que tras excluírnos das negociacións anteriores, desta volta víronse obrigados a citarnos por mor das demandas interpostas pola CIG perante a xustiza , e non grazas á boa fe da empresa e os sindicatos asinantes (CCOO, UGT, CSIF e SL) do Acordo da Vergonza que pretenden secuestrar e dificultar a acción sindical das organizacións contrarias a el.
Dous días despois o sábado 15 de Marzo a empresa puxo de novo outro documento á firma dos sindicatos membros da Mesa Sectorial, no que primeiramente debían ratificarse no Acordo Marco asinado o 31 de decembro de 2024, de des-regulación das condicións laborais e retributivas, novo sistema retributivo onde a parte variable prevalece sobre a fixa en base a obxectivos da empresa , mobilidade funcional e xeográfica, cambios de quendas e xornadas (de martes a sábado), incremento de traballo polas tardes, bolsa de horas anuais a disposición da empresa, plan de saídas voluntarias para o persoal laboral que non son outra cousa que despedimentos, e o máis importante para CCOO un exame de Ingreso para coller as subvencións millonarias.
En segundo lugar ampliaban o prazo de negociación da primeira fase pasando do 15 de marzo ao 30 de xuño de 2025, recoñecendo Correos que non se podían cumprir os prazos.
Primeira Fase:
Excedencias Incentivadas: Correos expón claramente que non sabe cantos funcionarios/as poderán beneficiarse desta medida posto que non hai cartos. Simplemente di que o plan de excedencias estará baseado na última convocatoria de abril de 2023. Abrirase un prazo de solicitudes dende o 7 de abril ate o 24 de abril de 2025.
Desagrupación Centros Nodais: Re-colocación de todo o persoal en Centros de traballo de Correos, que poderá implicar cambio de centro, de funcións e de quenda cunha gratificación única de até 1.500€ sempre que non implique un incremento de xornada laboral. Isto suporá unha modificación substancial das condicións de traballo e tratarase en cada provincia cos sindicatos con representación na mesma.
Ciclo de Emprego: Sen ter unha visión clara do futuro e das necesidades reais do persoal, posto que non se sabe cantos traballadores/as marcharán da empresa vía xubilacións, prexubilacións, excedencias incentivadas, saídas voluntarias, e sen ter en conta o/as traballadores/as dos Centros Nodais que ocuparán praza en reparto, Correos inclúe un proceso de Consolidación para contentar a única esixencia real deste seudo-sindicato CCOO.
A CIG NON VENDE OS DEREITOS DAS TRABALLADORAS/ES
RESOLUCIÓN DA 5ª ADXUDICACIÓN DO CONCURSO PERMANENTE DE TRASLADOS
.png)
CÓMO CONSULTAR?
Inscricións ano 2022:
Accede a ---> conecta.correos.es ---> parte superior esquerda da pantalla ---> Persoas → Convocatorias → Concurso de Traslados → Accede á consulta de Méritos e Asignación.
Inscricións ampliación de 2024:
Accede a
Ler máisRESOLUCIÓN DA 5ª ADXUDICACIÓN DO CONCURSO PERMANENTE DE TRASLADOS
CÓMO CONSULTAR?
Inscricións ano 2022:
Accede a ---> conecta.correos.es ---> parte superior esquerda da pantalla ---> Persoas → Convocatorias → Concurso de Traslados → Accede á consulta de Méritos e Asignación.
Inscricións ampliación de 2024:
Accede a ---> procesosmasivos.correos.es ---> correo electrónico (se o usaches na inscrición) + usuario corporativo (C000000 e contrasinal) se accediches con él.
INCORPORACIÓN NOVO DESTINOS
Solicitudes para a incorporación anticipada: ata o 11 de febreiro.
Data de toma de posesión: 1 de marzo de 2025.
Para calquera dúbida ponte en contacto cas delegadas e delegados da CIG na tua comarca.
A CIG NON ASINA O ACORDO MARCO NA MESA SECTORIAL
.png)
O día 14 de xaneiro convocouse a Mesa Sectorial co único fin de asinar o Acordo Marco.
A CIG, como resultado da decisión unánime dos seus delegados e delegadas, NON ASINOU este acordo por ser moi prexudicial para os intereses das/os traballadores/as
A CIG NON ASINA O ACORDO MARCO NA MESA SECTORIAL
O día 14 de xaneiro convocouse a Mesa Sectorial co único fin de asinar o Acordo Marco.
A CIG, como resultado da decisión unánime dos seus delegados e delegadas, NON ASINOU este acordo por ser moi prexudicial para os intereses das/os traballadores/as de Correos e non conten ningunha mellora nas condicións laborais nin retributivas.
Este Acordo asinado finalmente por CCOO, UGT, CSIF e SL sometese completamente aos desexos da empresa de ter CHICO PARA TODO,
- Cero contratación.
- Máis retribucións en variables e non fixas.
- Desregulación de quendas.
- Mobilidade funcional, etc.
Estes son algunhas das medidas que conten este Acordo polo que a CIG NON o asinou:
- COMPROMISO DE QUE OS GASTOS DE PERSOAL NON SUPEREN O 70% DOS INGRESOS. Isto quere dicir que como mínimo debe reducirse o cadro de persoal de Correos en 8 mil traballadores/as.
- UN PLAN DE SAÍDAS DE TRABALLADORAS/ES "LOWCOST" FEITA Á MEDIDA DA EMPRESA.
- 35 HORAS SEMANAIS. SI, PERO vinculadas a que se cumpra a implantación do Plan de Medidas propostas pola empresa.
- CREACIÓN DUN "CUARTO TURNO", de martes a sábado tarde. Non especifica cal será o sistema de selección dos traballadores/as nas unidades afectadas que pasarán a prestar servizo nesa quenda nin a remuneración.
- PECHE DOS CENTROS NODALES (CEX) de traballo, o documento di que se tomarán todas as medidas necesarias para reubicar ao persoal afectado, pero deixan a posibilidade de despedimentos.
- ACTUALIZACIÓN DA REGULACIÓN DE PERMISOS, LICENZAS E EXCEDENCIAS. Pretender vendernos como un logro de negociación un dereito que xa esta regulado por Lei.
- ELABORACIÓN DUN CALENDARIO ESTACIONAL. Desregulación de horarios a discreción do que determine a empresa. A variabilidade do horario non será superior ao 10% do cómputo da xornada anual (171 horas ou 5 semanas). As xornadas non poderán ser inferiores a 5 horas nin superiores a 9 horas.
- DESFRUTE DE VACACIÓNS FÓRA DO PERÍODO DE VERÁN. Se queres cobrar máis.
- MOBILIDADE FUNCIONAL E XEOGRÁFICA. A empresa poderanos mover de posto (funcional) e tamén xeográficamente (de centro de traballo).
OLVIDADOS QUEDARON PUNTOS QUE DICIAN SER IMPORTANTES PARA OS SINDICATOS ASINANTES COMO:
- Cambio de Ministerio para o Persoal Laboral.
- Despenalización das Baixas para o Persoal Laboral
En cambio si que están:
- Exame de Ingreso
- Bolsas de Emprego
- Cursos de Formación
OLLO!!
✅Este Acordo non se aplica aos conselleiros ou membros dos órganos da administaración nin ao persoal de alta dirección (40% se subiron de soldo en comparación co 2% das bases).
✅NON é aplicable ao persoal das filiais de Correos: Correos Express e Correos Telecom.
NOVO RECORTE NA XUBILACIÓN PARCIAL, NOVO RETROCESO NOS DEREITOS DA CLASE TRABALLADORA
O pasado 19 de decembro o Goberno español, xunto coa Patronal, CCOO e UGT, asinaron un novo Acordo de Pensións despois dun proceso de negociación escurantista e ilegal, no chamado diálogo social, fóra dos organismos ofi ciais de representación
Ler máisNOVO RECORTE NA XUBILACIÓN PARCIAL, NOVO RETROCESO NOS DEREITOS DA CLASE TRABALLADORA
O pasado 19 de decembro o Goberno español, xunto coa Patronal, CCOO e UGT, asinaron un novo Acordo de Pensións despois dun proceso de negociación escurantista e ilegal, no chamado diálogo social, fóra dos organismos ofi ciais de representación institucional tripartita, sen respectar os dereitos de representación que temos as centrais sindicais máis representativas e maioritarias, como a CIG.
Este Acordo súmase aos recortes nas pensións públicas e ao fomento da súa privatización a través dos plans de pensión de emprego. Non lle abonda con aumentar a idade da xubilación (67 anos) e mais os anos para o cálculo da pensión (29 anos). Vivimos nas reformas permanentes que penalizan a xubila ción anticipada, fomentan tramposamente o retraso da xubilación e fan máis graves as discriminación para acceder á xubilación parcial, xa que só determinados colectivos de persoas traballadoras poden xubilarse, pero só transitoriamente, aos 61 anos.
Unha parte deste acordo, que foi aprobada polo Goberno no Decreto 11/2024 e está pendente de validación no Congreso dos Deputados, contén importantes recortes que acaban coa xubilación parcial.
Tendo en conta que a xubilación coa reforma do 2011 se sitúa nos 67 anos, temos que denunciar que non se restablece o dereito á xubilación parcial aos 61 anos para todas as persoas traballadoras, que se foi recortando na reforma das pensións do 2011, 2013 e 2019. E nin tan sequera se mantén para os colectivos de persoas traballadoras “da industria manufactureira”, que xa non poderán xubilarse aos 61 anos desde o 31-12-2029.
Estamos ante un Decreto que non garante o dereito da persoa traballadora á xubilación parcial, xa que segue estando na vontade da empresa acoller a solicitude. Neste sentido, a aparente mellora das condicións a cumprir sobre porcentaxes de bases de cotización, porcentaxe de contratación indefinida na empresa, etc., son na realidade medidas de endurecemento e desincentivo para acollerse á xubilación parcial.
O adianto para acceder á xubilación parcial a 3 anos, antes 2 anos, non é avance real ningún: séguese exixindo 33 anos de cotización mínima, sen computar pagas extras nin coeficientes redutores. Ademais, durante o primeiro ano, a xornada só poderá reducirse entre un 20 % e un 33 %, para quen anticipe máis de dous anos o acceso á xubilación.
Por último, cómpre ter en conta que o calendario para acceder á xubilación parcial xa estaba para o 2027 nos 63 ou 65 segundo a túa vida laboral permitise xubilarse aos 65 ou 67 anos respectivamente.
Non podemos calar que impoñan “pola porta de atrás” unha nova reforma que ten recortes de dereitos e segue sen dar solución ás reivindicacións que, desde hai anos, vimos reclamando en moitos destes sectores de actividade e postos de traballo nos que estamos condenados a prolongar a vida laboral en actividades penosas e de grande esforzo físico e psíquico.
Temos claro que non se pode seguir na inxustiza de prolongar a vida laboral, impedindo chegar á xubilación en condicións de poder desfrutala, como tampouco non se pode seguir negando a entrada da xente nova ao mundo do traballo, cronificando a emigración e o paro xuvenil entre os e as menores de 25 anos, sendo o Estado español o que ten maior porcentaxe de desemprego xuvenil de Europa.
Desde a CIG demandamos que Congreso dos Deputados diga non a este Decreto até que non se conteñan as seguintes medidas:
- Recuperación do dereito á xubilación parcial aos 61 anos para todas as persoas traballadoras e sectores.
- Xubilación aos 65 anos, e voluntaria a partir de ter 35 anos cotizados, reais ou por aplicación dos coeficientes redutores en determinadas profesións.
- Recoñecemento por lei e mellora dos procedementos para acceder aos coeficientes redutores para anticipar a xubilación sen recortes e con todos os dereitos.
Por unha xubilación digna para todos e todas!
Goberne quen goberne, as pensións deféndense!
Acordo marco Correos e sindicatos sobre liñas básicas a trasladar ao IV Convenio Colectivo asinado por CCOO, UGT, CSIF e SL
.png)
Novo Convenio á Baixa coa Axuda de CCOO e UGT
.png)
Correos está a preparar unha TRANSFORMACIÓN da empresa e un novo Marco Laboral onde a palabra clave é a FLEXIBILIDADE RETRIBUIDA.
Todo isto se está a preparar en reunións entre o Director de RRHH de Correos (ex de Navantia) e CCOO ás costas do resto
Ler máisNovo Convenio á Baixa coa Axuda de CCOO e UGT
Correos está a preparar unha TRANSFORMACIÓN da empresa e un novo Marco Laboral onde a palabra clave
é a FLEXIBILIDADE RETRIBUIDA.
Todo isto se está a preparar en reunións entre o Director de RRHH de Correos (ex de Navantia) e CCOO ás costas do resto de sindicatos.
TRANSFORMACIÓN: O Director de RRHH, home enviado pola SEPI para axustar as contas en Correos, busca asinar un novo Marco Laboral onde pretende un rexuvenecemento do cadro de persoal Low Cost aproveitándose que hai moitos compañeiros desexosos de marchar debido á precariedade laboral que estamos a vivir pola falta de contratación, desorganización, incerteza sobre futuro etc. Tamén busca unha des-regulación de funcións; queren traballador@s polivalentes, ou mellor dito CHICO PARA TODO, diminuír permisos, dereitos etc. Tal como fixera no seu día en NAVANTIA cun Convenio totalmente á baixa.
FLEXIBILIDADE
RETRIBUÍDA: Moito coidado con esta figura defendida
por CCOO nas Mesas de Negociación co beneplácito da empresa.
A Flexibilidade Retribuída é a venda dos teus dereitos a
cambio de esmolas. Unha vez máis a empresa coa axuda inestimable do sindicato
amarelo pretende vincular máis parte do noso salario fixo a retribucións
variables. A Flexibilidade pode comprender varios conceptos como cambios de
horarios, de xornadas, de Centros, obxectivos de vendas etc.
A CIG ESIXE como obxectivos irrenunciables de cara á negociación dun Novo Convenio e Acordo entre outros puntos:
-
Suba salarial con recuperación do IPC perdido (máis dun 20%)
-
Cláusula de revisión Salarial para non seguir perdendo cartos.
-
Incorporación do Persoal Laboral ao Convenio Único da AGE.
-
Implantación Xeral das 35 horas semanais.
-
Eliminación dos descontos abusivos en situación de IT
-
Concurso de Traslados con cobertura de todos os postos vacantes.
- Conversión de todas as prazas de tempo parcial e fixos descontinuos a tempo completo.
CIG-Correos denuncia atrasos no reparto da correspondencia en diversas zonas de Carballo por falta de persoal
O sector de Correos da CIG esixe, ante a situación que se está a vivir no Concello de Carballo, que se contrate con persoal eventual toda as zonas que están nestes momentos sen cubrir para poder garantir así o reparto diario da correspondencia e
Ler máisCIG-Correos denuncia atrasos no reparto da correspondencia en diversas zonas de Carballo por falta de persoal
O sector de Correos da CIG esixe, ante a situación que se está a vivir no Concello de Carballo, que se contrate con persoal eventual toda as zonas que están nestes momentos sen cubrir para poder garantir así o reparto diario da correspondencia e aliviar a excesiva carga de traballo que están asumindo os traballadores e traballadoras desta unidade.
Actualmente, explican, de 17 postos que hai na Unidade de Reparto de Carballo na quenda de maña, están sen cubrir nove, "o que supón máis da metade do cadro de persoal". Esta carencia provoca que as traballadoras e traballadores desta unidade teñan que asumir unha enorme sobrecarga de traballo e, ademais, soportar as reclamacións verbais que durante o reparto reciben por parte das persoas usuarias.
A CIG constatou que habitualmente quedan pendentes de saír a reparto un 100% dos envíos nalgunhas zonas de Carballo, e que este retraso que está a sufrir a veciñanza de case todos os núcleos de poboación do concello "crea un ambiente de crispación entre usuarios/as e servidores/as do servizo postal". As zonas que levan atrasos na correspondencia por falta de persoal son: centro de Carballo e o extrarradio, Barrio de Chorís, Barrio das Flores, Cances, Xoane e Verdillo.
Máis beneficios a conta de non contratar persoal
A representación da CIG critica que a Dirección da Zona Noroeste de Correos discrimina á cidadanía que reside no Concello de Carballo "ao non levarlles diariamente a correspondencia" e responsabiliza desta "lamentábel situación" o Xerente de Produción e o Xerente de Persoal e Relación Laborais "pola nefasta xestión que está a levar nos últimos anos, a cal vai encamiñada a incrementar os beneficios a conta de non contratar persoal suficiente para substituír as traballadoras e traballadores que están de baixa, vacacións, licenzas…". Denuncian que con esta política de non contratación "o que se pretende é que a Zona Noroeste sexa a máis rendíbel do Estado español".
O resultado destas prácticas, engade a CIG-Correos, é sempre o mesmo: "as usuarias e usuarios padecen a falta de calidade do servizo porque a empresa que ten que repartir cinco laborábeis á semana non contrata o persoal necesario para cumprir con esa obriga".
Por iso, a CIG-Correos esixe a contratación urxente das nove carteiras e carteiros que faltan nestes momentos na Unidade de Reparto de Carballo, xa que de seguir así, "a situación complicarase coa chegada da campaña de nadal".
NOTAS DE PRENSA:
Curso Formación Correos: "Tecnoloxía e Traballo Seguro en Red"
Curso dirixido a todo o persoal de Correos, que manteñan unha relación laboral, ou de servizo, activa, coa empresa desempeñando a súa actividade ao inicio da formación e que non realizara e superara con anterioridade esta formación, nin coa empresa
Ler máisCurso Formación Correos: "Tecnoloxía e Traballo Seguro en Red"
Curso dirixido a todo o persoal de Correos, que manteñan unha relación laboral, ou de servizo, activa, coa empresa desempeñando a súa actividade ao inicio da formación e que non realizara e superara con anterioridade esta formación, nin coa empresa nin mediante organismos homologados para impartir formación da compañía.
Prazo
de inscrición: até o 14 DE NOVEMBRO
Como inscribirte dende internet: unha vez que accedes á páxina de formación de Correos, debes de ir á parte inferior dereita debaixo de onde pon usuario e contrasinal. alí xa te indica "fai clic aquí para solicitar curso".
O curso realizarase on-line dende un ordenador alleo a Correos e fóra da xornada laboral. O curso desenvolveranse durante os meses de novembro e decembro os alumnos poderán elixir, as datas que máis lles conveñan de entre as dispoñibles.
Tras o proceso de inscrición, comunicarase por e-mail e SMS o comezo da formación. Recoméndase revisar a dirección de correo persoal do apartado "mi perfil" e aceptar a modalidade de citación por SMS.
Expediente Formativo
O curso incluirase no expediente formativo de todos aqueles que completen a acción formativa. Ademais terás a posibilidade de descargar o diploma dende a plataforma de formación.
No caso de que xurda algunha incidencia técnica durante a
inscrición e/ou durante a realización do curso, os alumnos deberán dirixirse ao
centro de atención ao estudante centro.atencionestudiante@telefonica.com
O Comité Europeo de Dereitos Sociais admite a reclamación da CIG a España sobre a insuficiencia do salario mínimo
O Goberno pediu que se rexeitase a queixa do sindicato galego, que entende que o SMI de 2023 non permite "garantir un nivel de vida decente aos traballadores e ás súas familias".
O Comité Europeo de Dereitos Sociais (CEDS) declarou admisible unha
O Comité Europeo de Dereitos Sociais admite a reclamación da CIG a España sobre a insuficiencia do salario mínimo
O Goberno pediu que se rexeitase a queixa do sindicato galego, que entende que o SMI de 2023 non permite "garantir un nivel de vida decente aos traballadores e ás súas familias".
O Comité Europeo de Dereitos Sociais (CEDS) declarou admisible unha reclamación da Central Intersindical Galega (CIG) sobre o salario mínimo interprofesional (SMI) de 2023, informouse este martes.
A decisión figura entre as adoptadas polo CEDS (un organismo do Consello de Europa) na súa reunión plenaria da pasada semana en Estrasburgo, e que foron divulgadas este martes.
Tras esta decisión, o CEDS estudará as alegacións a fin de resolver no futuro sobre o fondo da reclamación colectiva presentada pola CIG.
O sindicato galego presentou a súa reclamación en outubro de 2023. Nela, alegaba que o salario mínimo dese ano, establecido nun real decreto do 14 de febreiro dese mesmo exercicio, "non é suficiente para garantir un nivel de vida decente aos traballadores e ás súas familias".
Iso supoñería unha violación do artigo 4.1 da Carta Social Europea, que establece que todos os traballadores teñen dereito a unha remuneración equitativa que lles asegure, igual que ás súas familias, un nivel de vida satisfactorio.
O Goberno español solicitou que non se admitise a trámite esa reclamación, xa que a CIG, ao ser un sindicato rexional, "non pode ser considerado como un sindicato nacional representativo" e, por tanto, non pode presentar unha reclamación colectiva ante o comité.
Con todo, o CEDS considerou que a CIG "é unha organización sindical representativa para os efectos do procedemento das reclamacións colectivas" e admitiu a trámite a queixa.
CONVOCATORIA REAXUSTE LOCAL - SETEMBRO 2024
PRODUCTOS E SERVIZOS - PRODUCCIÓN
ÁMBITO DE PARTICIPACION
Poderán participar as persoas que traballan en Correos, que ocupen postos base, de acordo coa regulación interna, que estean adscritas de forma definitiva á localidade nun posto obxecto da
Ler máisCONVOCATORIA REAXUSTE LOCAL - SETEMBRO 2024
PRODUCTOS E SERVIZOS - PRODUCCIÓN
ÁMBITO DE PARTICIPACION
Poderán participar as persoas que traballan en Correos, que ocupen postos base, de acordo coa regulación interna, que estean adscritas de forma definitiva á localidade nun posto obxecto da convocatoria (traballadoras e traballadores laborais fixos, e funcionarias e funcionarios).
En consecuencia, poderá participar o persoal de Correos (traballadoras e traballadores laborais fixos, e funcionarias e funcionarios), que estea activa, en situación de alta ou cuxa situación administrativa ou laboral supoña a reserva legal de posto e unidade, excepto as funcionarias e funcionarios suspensos en firme ou suspensos de soldo e emprego por razóns disciplinarias, salvo que finalizase o período de suspensión, sempre que reúnan as condicións xerais esixidas e os requisitos determinados na convocatoria na data de terminación do prazo de presentación de solicitudes.
Quen non posúan as condicións físicas mínimas suficientes para levar a cabo as tarefas fundamentais do seu posto de traballo, de acordo cos previstos nos artigos 33.a) do Estatuto e 43.3 do Convenio Colectivo, non participarán na convocatoria de reaxuste local, en tanto non se produza o cambio de asignación a través do concurso permanente de traslados.
MÉRITOS VALORABLES
Os méritos valoraranse con referencia á data de peche do prazo de presentación de solicitudes.
Efectuarase de acordo co seguinte baremo:
1. Polo tempo de servizos prestados en Correos: 0,10 puntos por cada ano completo de servizo.
2. Pola permanencia na mesma localidade e desde a data en que se obtivo o último destino definitivo na mesma: 0,40 por cada ano completo.
3. Para o persoal laboral, a antigüidade na localidade computarase desde a data en que obtiveron posto fixo.
Non interromperán o cómputo desde o último destino definitivo na localidade as suspensións inferiores a seis meses.
Aos efectos das presentes instrucións, entenderase por centro de traballo: o centro físico onde se desenvolve a actividade. Con todo, cando nun mesmo emprazamento físico de traballo concorran varias unidades produtivas que dispoñan dunha organización específica e diferenciada para a prestación de servizos homoxéneos, talles como unidades de repartición, salas de dirección, oficinas ou sucursais, etc.
Cada unha das referidas unidades terá a consideración de centro de traballo.
Cando non se determinen unidades produtivas específicas, a unidade será o centro físico de traballo.
A efectos das presentes instrucións considerarase como localidade e unidade en se mesma, a cada unha das persoas, que prestan un servizo rural, e por tanto, non forman parte do concepto de unidade de reaxuste na mesma localidade.
PROCEDEMENTO E ADXUDICACIÓN DE CENTROS E QUENDAS
1- O procedemento de Reaxuste Local constitúe o sistema de asignación das persoas que traballan en Correos con contrato fixo dentro dos postos co mesmo complemento de ocupación ao que desempeñan de maneira definitiva, que posibilita ao a traballadora e ao traballador de forma voluntaria, ademais do cambio de centro de traballo asignado dentro da mesma localidade, o cambio de quenda.
2- Presentación de solicitudes. A solicitude de participación dirixirase á Unidade de Recursos Humanos da provincia. Axustarase ao modelo Anexo I, que se achega coa presente publicación, e a presentación de solicitudes finalizará o 5 de outubro de 2024. Cada persoa poderá solicitar, por orde de preferencia, os centros (unidades) e quendas ofertadas no ANEXO II/II desta convocatoria ata un máximo de dez.
3- Ordenación de méritos e sistema de desempate. A orde de prioridade para a adxudicación virá dado pola puntuación total obtida. En caso de empate na puntuación atenderase á maior puntuación outorgada a:
- Antiguedad na localidade.
- Servizos Prestados en Correos.
Pola orde expresada. De persistir o empate, adxudicarase:
- Á funcionaria ou funcionario, ou traballadora ou traballador fixo con maiores servizos prestados, expresado en anos meses e días.
- Á funcionaria ou funcionario, ou traballadora ou traballador fixo que ingresou en proceso selectivo máis antigo e dentro do mesmo, o de menor número de orde.
4- As peticións vinculan as persoas solicitantes, e soamente por causas debidamente xustificadas poderán solicitar a anulación con anterioridade á resolución.
5- Os destinos consideraranse de carácter voluntario e en consecuencia non xerarán dereito ao abono de indemnizacións en concepto algún.
6- Resolución. As convocatorias resolveranse por resolución da Unidade de Recursos Humanos no prazo máximo dun mes, a contar desde o día seguinte ao da finalización do prazo de presentación de solicitudes.
As persoas interesadas dispoñerán dun prazo de cinco días naturais para formular reclamacións ante a Unidade de Recursos Humanos correspondente.
En calquera momento do proceso poderá solicitarse formalmente ao persoal de Correos que participe, as aclaracións ou, no seu caso, a documentación adicional que se estime necesaria para a comprobación dos méritos, requisitos ou datos alegados; así como aqueloutra que se considere preciso para unha axustada inclusión ou valoración.
As persoas cuxo reaxuste implique un cambio de unidade terán que organizar o seu calendario vacacional co seu novo responsable de unidade.
PUBLICACIÓN DAS CONVOCATORIAS
As convocatorias así como a súa correspondente adxudicación final faranse públicas nos taboleiros de anuncios dos centros de traballo afectados da localidade, nas Unidades de Recursos Humanos provinciais e na Xerencia de Recursos Humanos da área Noroeste.
PRAZAS NA GALIZA DO REXUSTE LOCAL
Carteiros/as de Lalín e Santiago mobilízanse de novo contra a destrución de emprego diante da Zona Noroeste en Compostela
Carteiros/as de Lalín e de Santiago de Compostela mobilizáronse hoxe de novo ás portas do edificio da Xefatura de Zona, na capital galega, para rexeitar a política de destrución de emprego da compañía pública e denunciar que estas unidades se atopan
Carteiros/as de Lalín e Santiago mobilízanse de novo contra a destrución de emprego diante da Zona Noroeste en Compostela
Carteiros/as de Lalín e de Santiago de Compostela mobilizáronse hoxe de novo ás portas do edificio da Xefatura de Zona, na capital galega, para rexeitar a política de destrución de emprego da compañía pública e denunciar que estas unidades se atopan sen persoal suficiente por falta de contratación.
A protesta, que contou unha vez máis co apoio da CIG-Correos, coincidiu coa festividade local na capital do Deza e tivo lugar “diante da pasividade e desleixo que están a amosar dende a cúpula directiva da maior empresa pública do Estado español, desoíndo sistematicamente as reivindicacións laborais do cadro de persoal”.
Os traballadores/as da Unidade de Reparto de Lalín (que abrangue os Concellos de Lalín, Rodeiro, Agolada e Dozón) amosan o seu descontento coa política de destrución de emprego que está a levar a cabo Correos na comarca do Deza e denuncian a intención de suprimir definitivamente as catro vacantes que veñen asumindo dende hai meses na unidade.
“Continuaremos saíndo á rúa e demandando mellores condicións laborais, porque a pesares de que levamos oito meses de protestas, a Xefatura apenas visitou Lalín en dous ou tres ocasións que nós saibamos, o que demostra o desleixo de Correos cara ao seu persoal”, lamentan.
Ao mesmo tempo, lembran que a día de hoxe na quenda de mañá hai unicamente 17 traballadores/as na unidade, posto que ás catro prazas vacantes estruturais hai que engadirlle outras dúas, unha por IT e outra por vacacións. Ademais, durante todo o verán a falta de contratación dificultou que os empregados/as puidesen cumprir coa lexislación postal vixente, o que supuxo unha perda de calidade no servizo, co conseguinte prexuízo para a veciñanza.
“Se ben é certo que Correos xustifica que pon reforzos de persoal en tempadas de maior carga de traballo, tamén é certo que estes reforzos, na maioría dos casos, son realizados a través de horas extraordinarias e horas complementarias, o que tamén prexudica os compañeiros/as eventuais das bolsas de emprego, xa que as poucas ocasións nas que poderían traballar vense reducidas por este motivo”. Do mesmo xeito, denuncian a opacidade das bolsas de contratación (non son públicas) e as irregularidades que se producen na contratación.
Correspondencia acumulada en Santiago
De igual xeito, a Unidade de Reparto 1 de Santiago estivo durante boa parte do verán por debaixo do 50% do cadro de persoal, tendo que asumir unha importante sobrecarga de traballo.
O que supuxo que nos meses de xullo e agosto se acumulase gran cantidade de correspondencia, chegando a contabilizarse máis de 10.000 obxectos sen repartir nalgunhas datas do mes de xullo, “repercutindo na calidade do servizo e na saúde dos traballadores/as, tal e como evidencia alta porcentaxe de absentismo que hai en Correos”.
Por iso anuncian que mentres non se lle poña remedio a esta situación seguirán demandando melloras e condicións dignas nos seus postos de traballo.
Extraído de AVANTAR
PUBLICACIÓN MÉRITOS PROVISIONAIS AMPLIACIÓN CONCURSO DE TRASLADOS 2022
➡️ Correos informa que ao longo da mañá publicará a listaxe cos méritos provisionais da ampliación do Concurso de Traslados.
➡️ Podedes consúltalo a través da Plataforma de procesos masivos:
ou Conecta:
PUBLICACIÓN MÉRITOS PROVISIONAIS AMPLIACIÓN CONCURSO DE TRASLADOS 2022
➡️ Correos informa que ao longo da mañá publicará a listaxe cos méritos provisionais da ampliación do Concurso de Traslados.
➡️ Podedes consúltalo a través da Plataforma de procesos masivos:
ou Conecta:
➡️ O prazo para facer reclamacións é entre hoxe e o 19 de setembro
➡️ As reclamacións referidas aos puntos de saúde deben facerse por escrito dirixido aos Servizos Médicos da Sede Central.
➡️ Lembra que teñen prioridade os peticionarios no Concurso en maio de 2022
GUIA CONSULTA DE MÉRITOS PROVISIONAIS E ALEGACIÓNS
Para calquera dúbida ponte en contacto cas delegadas e delegados da CIG Correos na tua comarca.
Abono da quilometraxe a 0,26 euros e con efectos retroactivos dende o 18 de xullo de 2023 na nómina de setembro... ainda!!
A empresa, ante o anuncio desta central sindical do inicio dun Conflito Colectivo, acaba de comunicarnos que se recibiu resolución da Secretaría de Estado de Orzamentos e Gastos (SEPG), autorizando o abono da quilometraxe a 0,26 euros e con efectos
Ler máisAbono da quilometraxe a 0,26 euros e con efectos retroactivos dende o 18 de xullo de 2023 na nómina de setembro... ainda!!
A
empresa, ante o anuncio desta central sindical do inicio dun Conflito Colectivo,
acaba de comunicarnos que se recibiu resolución da Secretaría de Estado de Orzamentos e Gastos
(SEPG), autorizando o abono da quilometraxe a 0,26 euros e con efectos retroactivos dende o 18 de
xullo de 2023. Así mesmo nos informan que Os equipos de Recursos Humanos e
Tecnoloxía van poñerse a traballar para que se poida abonar canto antes, pero
que debemos ter en conta que, no mes de agosto non se vai a poder avanzar
porque os equipos están de vacacións. Polo tanto a suba se realizará o máis
seguro na nómina do mes de setembro.
A CIG denunciou en todas as mesas ás que asistiu o atraso inxustificado que se estaba a cometer no pagamento de eses 0,03 céntimos, instando á empresa a que procedera ao pagamento inmediato con carácter retroactivo a 18 de xullo de 2023, informándolles que no caso contrario iniciariamos todas accións legais na defensa dos dereitos das traballadoras e traballadores rurais con achega de vehículo.
E lamentable cunha empresa pública tarde máis dun ano en pagar os atrasos aos seus traballadores e traballadoras e que teña que esperar ate que se vaia a proceder a reclamar xudicialmente para que movan ficha e se autorice a suba.
Para a CIG esta suba é insuficiente. Lembremos que en Correos estabamos cobrando 0,23 euros por quilómetro (0,19 + 0,04), é dicir, a dieta oficial máis 4 céntimos a maiores para compensar o desgaste do vehículo e consumo de combustible.
Esta axuda extra que aumenta a base de cotización perdeuse grazas a marabillosa negociación que fixeron os sindicatos asinantes do Convenio e Acordo Xeral nunha xuntanza do 19 de outubro de 2023 aforrándolle cartos á empresa.
Agora toca negociar unha suba salarial e tamén do complemento pola achega de vehículo que como mínimo debe ser de 0,30 € por quilometro.
A CIG Defende e Loita polos teus Dereitos
Reunión Mesa Sectorial: Presentación dun plan sen plan
O pasado día 24 de xullo a CIG asistiu á xuntanza da Mesa Sectorial como membro de pleno dereito por ter a consideración de sindicato máis representativo.
A reunión foi convocada con menos de 48 horas de antelación. Está precipitación xustifícase
Reunión Mesa Sectorial: Presentación dun plan sen plan
O pasado día 24 de xullo a CIG asistiu á xuntanza da Mesa Sectorial como membro de pleno dereito por ter a consideración de sindicato máis representativo.
A reunión foi convocada con menos de 48 horas de antelación. Está precipitación xustifícase seguramente polas noticias publicadas nos medios de comunicación onde se informa dun Pacto e Acordo a tres bandas: Correos, SEPI, e sindicatos CCOO e UGT, para aplicar un novo Plan Estratéxico na Empresa Pública.
Na reunión a empresa NON entrega documentación algunha, simplemente pasan unhas diapositivas dun documento de cinco páxinas que é unha declaración de intencións na que falan a groso modo dun aumento da aportación por parte do estado pola prestación do SPU, modernización da rede postal, incremento da prestación dos servizos financeiros e da necesidade dun novo Marco Laboral. É advirte que a inversión do estado en Correos non será a cambio de nada. Así mesmo volven a repetir o concepto de FLEXIBILIDADE RETRIBUIDA avalado por CCOO.
Mentiras e contradicións que se dixeron sobre este documento:
- Un Plan sen Plan: CCOO e UGT recoñeceron na Mesa que NON coñecen o Plan Estratéxico. E dicir: asinaron unha simple declaración de intencións.
- No documento que asinaron NON se fala da compra de NINGÚN BANCO.
- NON son 4 mil millóns de euros se non 3 mil millóns de euros os que aportaría o estado.
- Da mobilidade interministerial para o persoal laboral e da súa inclusión no EBEP, NADA DE NADA.
- A Política de contratación CERO parece que forma parte deste Plan Estratéxico avalado por CCOO e UGT como medida de aforro.
¿Cando se verá esa inxección de cartos en Correos?
Pois iso tampouco está nada claro porque a financiación está supeditada aos Orzamentos Xerais do Estado de 2025 que están sen aprobar.
A empresa empraza aos sindicatos presentes para o mes de setembro para empezar coa negociación do IV Convenio Colectivo e Acordo Xeral onde a CIG esixirá entre outros puntos:
- Que se aplique a xornada laboral de 35 horas reivindicación histórica da CIG.
- Inclusión do Persoal de Correos no EBEP
- Un incremento do 15% no salario pero en retribución fixa e non en variable como defende CCOO. Non podemos seguir vinculando parte do noso salario a produtividades, xa temos bastante con o CPA e os Tramos.
- Eliminar os descontos do CPA e Tramos ao persoal laboral cando está de baixa.
- Adecuación inmediata dos niveis do persoal funcionario ao resto da AGE
- Incremento real das cantidades por achega de vehículo ao persoal rural. Mínimo 0,30 € por quilómetro.
