Adxudicacións do panel 2026P06 de Axentes de Facenda (AHP)

Onte e antonte tivo lugar a Comisión de Seguimento do Acordo de provisión de postos para resolver o Panel de provisión de postos de traballo de carreira horizontal para persoal funcionario do Corpo de Axentes de Facenda Pública (AHP) 2026P06.

Destacou a Dirección da AEAT que se presentaron un total de 1618 solicitudes, das que se admitiron en total 1584, adxudicándose incialmente 930. No caso de Galiza, a adxudicación inicial era de 63 prazas, que logramos incrementar até as 73.
A listaxe PROVISIONAL de persoas axdicatarias en Galiza é esta. É unha LISTAXE PROVISIONAL, ELABORADA POLA CIG- suxeita a erro ao facer seguemento manual praza por praza das novas adxudicacións a viva voz en comisión, polo que PODE TER ERROS NO SEGUEMENTO DAS RESULTAS XENERADAS. A AEAT conta con ter a listaxe lista o vindeiro venres ou o luns próximo, que remitiremos no que chegue.
ADXUDICACIONS

VALORACIÓN DO PANEL 2026P06 DE AXENTES DE FACENDA (AHP)
A CIG demandou cubrir o máximo de prazas posíbel, ampliando adxudicacións nas PIAS e Administracións de toda Galiza e cubrir todas as resultas que puidesen aparecer precisamente para garantir un servizo público de calidade. Entendemos que unha quenda de acceso libre tan numerosa como a que está a piques de se incorporar é unha oportunidade única para resolver os problemas de falta de persoal de moitas Administracións e dar resposta o lexítimo desexo de achegarse ao fogar do funcionariado galego emigrado polo Estado.
Aportamos datos sobre o persoal de cada Administración: cantas persoas se xubilaron este ano, cantas están próximas a facelo, enfermedades de longa duración, persoas que previsibelmente deixarán de ser axentes por ter superado o proceso selectivo para o Corpo Técnico ou o de Xestión do Estado… Se ben conseguimos persuadir nalgúns casos aos responsábeis da AEAT, noutros foi imposíbel polo que deixa unha sensación agredoce.
Imos exemplificalo coa Administración de Santiago de Compostela. Na capital do país foi imposíbel que mudase o plan predefinido polos directivos da AEAT. REcadación nin sequera se ofertou como posíbel, polo que a marcha dun compañeiro cara outro destino deixa a dependencia na Administración peor do que estaba. En Xestión están a piques de darse varias xubilacións xunto con dúas persoas que acceden ao Corpo Técnico: por este motivo, desde a CIG pedimos que ampliasen en 4 máis as prazas a cubrir. Tan só cubriron unha praza máis en Aduanas, no aeroporto Labacolla-Rosalía de Castro. Nós insistimos en que, cando menos, deixaran a cousa como estaba antes do panel. Foi en van, Santiago Xestión aproxímase ao que aconteceu hai uns anos en Ribeira, e non sería por non advertilo…
Mobilidade
A previsión que baralla a Dirección da AEAT é que a mobilidade do panel se execute no mes de febreiro de 2027 , acompasado coa incorporación do funcionariado AHP de novo ingreso, prevista para antes do remate do 2026.
O prazo de incorporación aos correspondentes destinos será de tres días hábiles desde a notificación do acordo de mobilidade, caso de non implicaren cambio de residencia, e de oito días hábiles caso de que si o implicalo.
As listaxes de adxudicación por posto definitivos estarán dispoñibles previsiblemente o venres desta semana ou o luns da próxima. Cando a Administración fáganos entrega deles farémosvolos chegar.