AEAT. Execución do panel 2025P03 de C1 de Corpos Xerais: último día en destino actual, 26 de novembro

Veñen de comunicarnos da Subdirección Xeral de Xestión Administrativa de Persoal que o persoal funcionario do Corpo Xeral Administrativo da Administración do Estado (Subgrupo C1), que resultou adxudicatario de praza na oferta de cobertura de postos de traballo a través do Panel de Mobilidade 2025P03, vai ser obxecto dos traslados concedidos (Mobilidade por cambio de adscrición de posto de traballo, Nomeamento Provisional ou Comisión de Servizos, segundo proceda) con efectos do día 27 de novembro de 2025 con carácter xeral para todos os ámbitos da AEAT

Deste xeito, para os funcionarios/as que se trasladen, o último día de presenza nos seus actuais destinos será o mércores 26 de novembro de 2025, debéndose incorporar ao novo posto de traballo con prazo máximo de tres días (luns 1 de decembro), se o traslado non implica cambio de residencia, ou de 8 días (luns 8 de decembro - martes 9 nos destinos nos que o día 8 fose festivo), se o traslado supuxese cambio de residencia

Por outra banda, segundo se informou á Axencia Tributaria, o nomeamento do persoal funcionario do Corpo Xeral Auxiliar da Administración do Estado (subgrupo C2), vai ter lugar previsiblemente no prazo aproximado dun mes