Grupo de Traballo de Acción Social e Macroconcurso

ACCIÓN SOCIAL DE ESMOLA, QUE AÍNDA QUERERÍAN RECORTAR MÁIS!

Comezaron as diferentes Entidades desglosando os datos do derradeiro plan, detalles como o monto total do orzamento, n.º de axudas solicitadas e denegadas, importe consumido e coeficiente resultante. Tamén o importe que se reservaron para posíbeis reclamacións ou revisións de oficio cando é a propia Entidade a que comete un erro e arranxa de oficio.

Había varios detalles extranos polos que a CIG preguntou, dandonos+ as explicacións oportunas que xustificaban os datos.

A CIG tomou a palabra requirindo o 100% do orzamento, lembrando que esta acción social é unha esmola, que é a metade da metade do que tiñamos e que a Admón. non está a facer nada para tentar reverter os recortes que sufrimos dende hai máis dunha década. E como varias veces xa, instamos ao Ministerio a que estude a forma de sacar de acción social a axuda de cese por xubilación (non eliminala, senon buscarlle encaixe fora da acción social e liberar ese orzamento), que é a terceira que máis orzamento consume, como se fai noutros ministerios para dispor de máis cartos para o resto de axudas.

Solicitamos que todas as Entidades participen dun orzamento común para desterrar os agravios que se producen hoxe, cando unha persoa cobra máis ou menos segundo en que Entidade traballe.

Ante a pregunta do Ministerio de se estabamos dispostos a negociar para variar a circular de acción social, é dicir, facer modificacións para que unhas axudas cobren máis e outras menos, a CIG negouse. Non imos entrar ao xogo do Ministerio de repartir migallas.

Despois o Ministerio propuxo eliminar ou rebaixar a axuda de cese por xubilación para liberar cartos para outras axudas. E volveu a atopar a CIG contra esta proposta (de recorte).

Na CIG sabemos que a solución pasa porque devolvan o orzamento que nos roubaron hai máis dunha década. A solución non pasa por quitarlles prestacións ao persoal da Seguridade Social, hoxe sería a axuda de cese de xubilación e o ano que ven quererían eliminar outra diferente. A CIG lembrou que hai persoas que levan varias décadas de servizo público na Seguridade Social, a pesares dos continuos recortes e da falta de medios fan o seu traballo o mellor que poden. Estas persoas son as que agora o Ministerio pretender recortarlles a axuda por xubilación.

Vendo que o que lle gusta ao Ministerio recortar, a CIG propuxo outra medida: que as persoas que máis salario cobren da Seguridade Social, sexan as que menos acción social cobren.

As axudas de acción social son para cubrir gastos de saúde ou dos fillos, non son caprichos, son necesarios. E non é o mesmo un gasto de 300€ para un ordenanza que para un director/a provincial.

Non é a primeira vez que a CIG propón que os importes de acción social sexan inversamente proporcional á renda, porque iso é un reparto xusto. Que un/ha director/a xeral cobre o mesmo que un ordenanza non é xusto.

Para sorpresa de ninguén, o alto funcionariado que representaba á Seguridade Social na reunión negouse en rotundo.

Cada vez que o Ministerio propoña un recorte, atopará a CIG en fronte. A CIG non asina recortes, a CIG non asina perdas de poder adquisitivo.

Macroconcurso

Por outra banda, a Subdirección Xeral de RRHH informou sobre o estado de preparación do concurso

Macro: está agora mesmo facendo a última comprobación da listaxe de postos a convocar. Serían 5421 vacantes e 1897 resultas conformando 3396 n.ºs de orde (postos diferentes).

Logo enviarán isto a Función Pública para o visto bo final e logo remitirano ao BOE.

Segundo comentan, creen que poderán convocalo en decembro.