Recordatorio Alertas meteorolóxicas e teletraballo

Lembramos que tedes dispoñible toda a información das alertas meteorolóxicas na páxina de intragalicia. Accede directamente dende a ligazón do noso Blog.

INSTRUCIÓNS ANTE ALERTAS METEOROLÓXICAS

ALERTA	CONTINXENCIA	ACTUACIÓN
VERDE	Condición meteorolóxica sen incidencias	Actividade normal
AMARELA	Risco baixo por fenómenos meteorolóxicos	Actividade normal Ante dificultade ou imposibilidade xustificada do desprazamento ao centro de traballo por fenómenos meteorolóxicos, os afectados deberán comunicar ao seu responsable, podéndose activar o traballo a distancia Estade atentos ás predicións meteorolóxicas
LARANXA	Risco importante por fenómenos meteorolóxicos	Potencial presencialidade limitada a servizos esenciais Garantida a prestación do servizo esencial, poderase activar de forma xeneralizada o traballo a distancia, de forma voluntaria Estade preparados, mantédevos informados das predicións meteorolóxicas máis actualizadas
VERMELLA	Risco extraordinario por fenómenos meteorolóxicos	Posibilidade de peche de edificios Posibilidade de suspensión das actividades presenciais Poderase activar de forma xeneralizada o traballo a distancia Tomade medidas preventivas, actuade segundo as indicacións das autoridades Mantédevos informados das predicións meteorolóxicas máis actualizadas

 

Cando exista previsión de alerta laranxa ou vermella, recoméndase levar o NPT ao domicilio de residencia para facilitar, no seu caso, a prestación do servizo na modalidade de traballo a distancia

En todo caso serán considerados servizos esenciais aqueles compañeiros que desempeñen tarefas non teletraballables.

Se existe un nivel de alerta laranxa ou vermella no municipio da túa residencia autorizada ou nos municipios do camiño habitual ao traballo, poderán aplicarse igualmente as medidas indicadas na táboa anterior. Nestes casos, deberase informar o superior xerárquico desta circunstancia o máis axiña posible

Ante unha previsión de alerta laranxa ou vermella, sobre as 20.00 horas do día anterior, enviaranse comunicacións ás canles zoom dos edificios afectados, así como un e-mail ás caixas de correos corporativas

As alertas por fenómenos meteorolóxicos costeiros ou por galernas ou resacas só terán efectos sobre o persoal do servizo marítimo de Vixilancia Aduaneira, aplicándose os criterios fixados por tal servizo