AUXILIO XUDICIAL ESTABILIZACIÓN CONCURSO DE MÉRITOS - RENUNCIAS E EXCLUÍDOS
Publicouse na páxina web do Ministerio de Xustiza o seguinte acordo do Tribunal Cualificador Único do corpo e Auxilio Xudicial do proceso de estabilización por concurso de méritos:
O Tribunal Cualificador Único do Corpo de Auxilio Xudicial comunica ás persoas opositoras do proceso selectivo convocado pola Orde JUS/1288/2022, do 22 de decembro para os efectos de transparencia e obxectividade que unha vez examinada a documentación dos 2115 aspirantes aprobados por Orde PJC/1496/2024 polo Ministerio da Presidencia, Xustiza e Relacións coas Cortes, faise pública as listas anonimizadas de persoas aprobadas que renunciaron expresa ou tacitamente, persoas aspirantes excluídas por presentación extemporánea de documentación, aspirantes requiridos de corrección de documentación e persoa aspirante en proceso de xubilación antes da finalización do proceso selectivo.
Indícase que conforme ao disposto na base 8.3 procederase a formar listas complementarias de persoas que superan o proceso selectivo, coa indicación de que a realización das mesmas está suxeita á estimación ou desestimación dos recursos interpostos en tempo e forma, que pode condicionar a orde das listaxes publicadas na web de persoas que non superaban o proceso por ámbitos territoriais.
As persoas aspirantes que se inclúan nas listas complementarias deberán presentar a documentación acreditativa, nun prazo non superior a CINCO DÍAS HÁBILES, desde a súa publicación na páxina web do Ministerio da Presidencia, Xustiza e Relacións coas Cortes, sen prexuízo doutras vías de comunicación por parte da Administración para facer saber a existencia destas listas complementarias, ás persoas que puidesen ser afectadas.
As seguintes comunicacións faranse por esta mesma vía.
Comunícase que contra a presente nota informativa non cabe recurso ningún conforme ao artigo 70.4 da Lei 39/2015; calquera incidencia motivada e xustificada comuníquese a cuauxilioconcurso2023@mjusticia.es.
Só se recibirán os emails motivados e relacionados co publicado na presente nota.
Ligazón listaxes renuncias e excluídas/os:
Ligazón listaxes requeridas/os nova documentación: