Continuamos cas mobilizacións en Defensa
CONCENTRACIÓN ANTE O ARSENAL DE FERROL
Mércores 17 de decembro – 11:00 h.
A semana pasada comezamos a ver reflectido nas nosas nóminas o resultado de meses de mobilizacións do persoal civil do Ministerio de Defensa. Un avance do que debemos congratularnos colectivamente, pois foi conquistado exclusivamente grazas á nosa determinación e á acción colectiva.
Un primeiro paso que confirma o que sempre dixemos
O conflito salarial non o provocou o persoal civil: foi o propio Ministerio quen decidiu incrementar só as retribucións da parte militar, deixando atrás de maneira discriminatoria ao persoal civil. Desde o inicio afirmamos que só a mobilización activa podería arrincar avances reais, porque así o demostra a historia da clase traballadora, os dereitos conquístanse na rúa, non en acordos de despacho, e menos cando algunhas elites sindicais renuncian ao poder transformador da participación do persoal.
O que estamos a cobrar non é o que reclamamos
A mellora aplicada na nómina de novembro:
• non coincide coa cantidade reclamada, • non é consolidable nos termos que esiximos,
• foi imposta unilateralmente polo Ministerio, sen negociación real (polo menos coa CIG),
• e responde unicamente á presión da mobilización.
É unha medida pensada para gañar tempo, rebaixar a tensión e tentar desactivar o malestar crecente do persoal.
Novas ameazas de discriminación
Agora máis que nunca é imprescindible manterse mobilizado, porque:
• o conseguido debe consolidarse,
• é necesario seguir mellorando as condicións salariais,
• e xa hai noticias dun novo incremento para o persoal militar antes de rematar o ano, que agravaría aínda máis a desigualdade e o trato discriminatorio cara o persoal civil.
Na asemblea celda o 20 debrae novembro, o persoal acordou retomar as concentracións diante do Arsenal de Ferrol.
A vindeira mobilización será o mércores 17 de decembro ás 11:00 h
Á porta principal do Parque do Arsenal – Ferrol
Dirixida ao conxunto do persoal civil do Ministerio de Defensa en Ferrol.
A CIG actúa tamén no ámbito negociador
Ao día seguinte de que Defensa estendese a mellora tamén ao persoal funcionario, desde a CIG solicitamos por escrito a convocatoria da Mesa Delegada, cun único punto central as retribucións do persoal civil.
Na nosa petición esiximos aclaracións sobre:
• a actualización da folla de ruta para mellorar as retribucións, xa obsoleta tras os últimos acontecementos,
• os criterios para fixar a denominada “gratificación” de 2.400 €,
• a orixe e continuidade do financiamento de Facenda para estas gratificacións,
• e a confirmación ou desmentido dun novo aumento salarial para o persoal militar.
A resposta chegou a semana pasada, convócase Mesa Delegada o xoves 18 de decembro en Madrid, cun único punto: “MUA y Productividad”.
Entramos nunha fase clave para blindar os avances logrados e impedir novas discriminacións. Por iso:
Chamamos a todo o persoal civil do Ministerio de Defensa en Ferrol a manter e reforzar a mobilización.
Continuemos a loitar por salarios dignos para o persoal civil de Defensa!
