
NOVA REUNIÓN DO GRUPO DE TRABALLO DO MINISTERIO

Este mércores tivo lugar unha nova reunión do grupo de traballo do Ministerio para rematar de perfilar o documento que a Administración require para iniciar a negociación do recoñecemento e retribución das funcións dos corpos xerais e especiais derivadas do RD 6/23. Pero a última hora o Ministerio introduciu nel unha serie de conceptos e ideas que non estaban contempladas nos proxectos anteriores e que para varias organizacións sindicais, entre elas a CIG, no deben incluirse por seren obxecto dunha negociación posterior. Por ese motivo houbo que programar unha nova reunión do grupo de traballo para o próximo día 7, que agardamos sexa a última antes da mesa sectorial, comprometéndose a Administración a traer un novo documento. A CIG solicitou que se eliminen esas novas referencias, se volte ao texto anterior que xa estaba case rematado e se remita a Facenda para que, canto antes, poidan empezar as negociacións con ela.
En canto ao teletraballo, o Ministerio informounos que na Conferencia sectorial que se celebrará coas CCAA o día 1 de marzo se tratará este tema, posto que estas queren ter un documento marco para todas. A idea é elaborar un proxecto neste grupo de traballo coas OOSS para levarllo ás CCAA e así que conte co maior consenso posible.
Sobre o teletraballo deslocalizado, o Ministerio aínda non nos puido explicar o que é, así que manifestamos que mantemos a nosa oposición.