OFERTA DUNHA PRAZA DE TRAMITACIÓN NA CONSELLERÍA DE XUSTIZA POR LIBRE DESIGNACIÓN

Hoxe publícase no DOG a convocatoria para cubrir, polo sistema de libre designación, dunha praza de Tramitación Procesual e Adminsitrativa.

As solicitudes, dirixiranse á Secretaría Xeral Técnica da Consellería da Presidencia, Xustiza e Deportes e presentaranse obrigatoriamente por medios electrónicos a través do formulario normalizado correspondente ao procedemento administrativo PR004, dispoñible na sede electrónica da Xunta de Galiza, https://sede.xunta.gal, no prazo de quince (15) días hábiles contados a partir do día seguinte ao da publicación desta convocatoria no DOG.

As persoas solicitantes deberán unir á petición o seu currículo e xustificar documentalmente os méritos que aleguen.

Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galiza, incluído o sistema de usuario e clave Chave365.

O modelo de solicitude atópase no Anexo II da convocatoria.

Denominación do posto: secretario/a da Fiscalía Superior.

Código do posto: PR.C99.10.006.15001.002.

Corpo ou escala: xeral/tramitador procesual e administrativo.

Grupo/subgrupo: C1 C2.

Nivel: 20.

Tipo de adscrición: A13 (adscrición indistinta a funcionarios da Xunta de Galicia, Estado e CC.AA. e Administración de xustiza).

Formación específica: 640 para persoal doutra Administración, curso de perfeccionamento de galego (R.I.).

Centro directivo ou dependencia: Unidade de Apoio á Fiscalía Superior.

Localidade: A Coruña.

Consulta na seguinte ligazón a convocatoria publicada no DOG: https://www.xunta.gal/dog/Publicados/2024/20241115/AnuncioG0759-071124-0004_gl.html