SOLICITUDE DE CORRECCIÓN DE RISCO DE CAÍDA NUNHA ESCALEIRA DA CIDADE DA XUSTIZA DE VIGO
No día de hoxe presentamos denuncia formal pola existencia dun risco grave de caída derivado dun oco de escaleira sen varanda nin elemento de protección adecuado, situado no anexo da Cidade da Xustiza de Vigo.
Este risco xa foi identificado e documentado no informe do Servizo de Prevención de Riscos Laboráis, no que consta expresamente como incidencia con prioridade 4, sen que ata o momento se adoptaran as medidas correctoras necesarias para garantir a seguridade das persoas usuarias ou traballadoras.
A ausencia de protección no devandito oco de escaleira supón un perigo evidente de caída a distinto nivel, incumprindo a normativa vixente en materia de seguridade e saúde, e poñendo en risco a intengridade física das pesoas, sumado isto a que tamén está catalogada como vía de evacuación.
Por todo o exposto, solicitamos que se adopten de maneira inmediata as medidas necesarias para eliminar o citado risco.
Para ver o xustificante de presentación do escrito preme na ligazón:
