ADMITIDOS CURSOS CELGA E LINGUAXE ADMINISTRATIVA

Xa se coñecen as persoas admitidas nos cursos Celga e Linguaxe Administrativa 2023-2024, segundo cuadrimestre, convocados pola Escola Oficial de Idiomas.

O alumnado que resultara admitido, deberá formalizar a matrícula na aplicación e presentar a documentación antes do 1 de decembro de 2023.

A documentación presentarase telematicamente dende o enderezo: 

www.eoidigital.com/preinslinguagalega (o mesmo da preinscrición).

No Celga a documentación a presentar é:

• Unha copia do DNI ou NIE. 
• O certificado de discapacidade, de ser o caso. 

Para os cursos de Linguaxe Administrativa:

• Unha copia do DNI ou NIE. 
• O xustificante de ser persoal das diferentes administracións públicas de Galicia en situación de servizo activo ou excedencia polo coidado dun/dunha fillo/a ou dun/dunha familiar. 
• O certificado de discapacidade, de ser o caso. 
• Para o curso medio de linguaxe administrativa, algún dos certificados establecidos no número 3 do punto décimo desta resolución. 
• Para o curso superior de linguaxe administrativa, algún dos certificados establecidos no número 4 do punto décimo desta resolución. 

O alumnado admitido nestes cursos deberá activar correctamente unha conta de usuario «edu», con carácter previo á data de inicio do curso e dentro do prazo que fixe a coordinación dos cursos. De non facelo así, será excluído do curso e incluirase a persoa correspondente da listaxe de agarda. 

Os cursos comezarán o 19 de febreiro de 2024 e rematarán o 28 de abril de 2024.