CONFIRMACIÓN DO MANTEMENTO DAS VACACIÓNS PARA O PERSOAL INTERINO QUE TOME POSESIÓN EN TRAMITACIÓN ESTABILIZACIÓN

Na información publicada na páxina do Ministerio do día 6 de febreiro para os persoal que participou no proceso de estabilización do corpo de Tramitación Procesual e Administrativa, indícase que, dentro do ámbito do Ministerio da Presidencia, Xustiza e relacións coas Cortes, o persoal interino que teña pendente vacacións pode mantelas, unha vez tomen posesión como persoal funcionario de carreira no proceso convocado pola Orde JUS/1288/2022, e non se perden.

O Ministerio confirmou que o persoal interino que está a traballar actualmente en territorios transferidos e tome posesión dentro do ámbito do Ministerio tamén se lle aplicará ese mesmo criterio, mantendo as vacacións sen perdelas, unha vez que o acrediten co correspondente certificado da administración de orixe.