CONVOCATORIA DUNHA PRAZA DE LIBRE DESIGNACIÓN - SUBDIRECTOR/A IMELGA A CORUÑA

Publicouse no BOE e no DOG do 9 de febreiro a RESOLUCIÓN do 28 de xaneiro de 2026, da Dirección Xeral de Xustiza, pola que se convoca, para a provisión polo sistema de libre designación, o seguinte posto de traballo no Instituto de Medicina Legal de Galicia:

Nome do posto: subdirector/a.
Centro de destino: Instituto de Medicina Legal de Galicia. Subdirección Territorial.
Localidade: A Coruña.
Código do posto: XG9251820015001310.02.
Corpo: médico forense.
Forma de provisión: libre designación.

As persoas interesadas deberán presentar as súas solicitudes segundo o anexo II, nas cales farán constar os seus datos persoais, o posto de traballo actual e o posto a que aspiran, no prazo de DEZ (10) DÍAS HÁBILES contados desde o seguinte ao da publicación desta convocatoria no Boletín Oficial del Estado.

As solicitudes irán dirixidas á Dirección Xeral de Xustiza, da Consellería de Presidencia, Xustiza e Deportes, e presentaranse por vía electrónica na sede electrónica da Xunta de Galicia (https://sede.xunta.gal) empregando o procedemento xenérico PR004A e achegando o anexo II coa solicitude.

Canda a solicitude deberá achegarse un currículo e a documentación acreditativa dos requisitos exixidos e dos méritos alegados para o posto solicitado.

Igualmente, xuntarase á instancia unha memoria asinada na cal, nunha extensión non superior aos 10 folios, o/a candidato/a realizará unha análise das tarefas do posto solicitado e das condicións e medios necesarios para o seu desempeño, e fará constar, así mesmo, propostas de mellora no desenvolvemento das funcións e todas aqueloutras cuestións que o/a aspirante considere de interese ou importancia con base na descrición das funcións do posto.

Para ver a resolución completa preme na seguinte ligazón: