CURSOS DE FORMACIÓN EN VIOLENCIA MACHISTA NA EGAP

Hoxe publicouse no DOG a Resolución do 8 de marzo de 2025 pola que se convocan actividades de formación en materia de violencia machista dirixidas aos/as profesionais das oficinas de atención á vítima e á cidadanía de Galiza.

Para as actividades impartidas nunha modalidade que inclúe teleformación, as persoas interesadas deberán dispor dunha conta de correo electrónico cuxo enderezo terán que indicar na solicitude e dun equipamento informático que cumpra os seguintes requisitos técnicos:

– Un ordenador con conexión á internet.

– Un navegador web actualizado.

Para as actividades impartidas na modalidade de telepresenza contarán, ademais, cun manual de usuario na ligazón https://egap.xunta.gal/ecloud/index.php/s/ZKijmeiZ5ypS3jd, onde se explica como acceder á plataforma de telepresenza e se describen os compoñentes que o equipamento necesita para un funcionamento básico da plataforma.

O prazo de presentación de solicitudes será desde o día seguinte ao da publicación desta resolución no Diario Oficial de Galiza ata o 2 de abril de 2025.

 As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo <https://egap.xunta.gal/matricula> desde as 9.00 horas da data de inicio do prazo de presentación de solicitudes ata as 14.00 horas da data de finalización. As solicitudes entenderanse presentadas unha vez que se complete correctamente o proceso de matriculación.

Consulta a resolución completa publicada no DOG na seguinte ligazón: https://www.xunta.gal/dog/Publicados/2025/20250326/AnuncioO150-180325-0001_gl.html