CURSOS DA EGAP DIRIXIDOS PARA PERSOAL DE XUSTIZA 2026

No Diario Oficial de Galicia do 16 de marzo, publicouse a Resolución de  convocatoria das actividades formativas da EGAP para o ano 2026 dirixidas ao persoal ao servizo da Administración de Xustiza en Galicia. 

Poderá participar nas actividades formativas convocadas mediante esta resolución o persoal empregado público e as persoas integrantes das bolsas de interinos dos corpos de xestión procesual e administrativa, tramitación procesual e administrativa, auxilio xudicial e médicos forenses da Administración de xustiza en Galicia en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) e que reúna os requisitos establecidos nesta convocatoria.

O número máximo de cursos que se poden solicitar durante o prazo de presentación de solicitudes limítase a catro.

As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo <https://egap.xunta.gal/matricula>. As solicitudes entenderanse presentadas unha vez que se complete correctamente o proceso de matriculación.

O prazo de matrícula comeza o 17 de marzo, ás 9.00 h, e remata o 23 de marzo, ás 14.00 h.

Para máis información preme na ligazón: