CURSOS DE FORMACIÓN PARA OFICINAS DE XUSTIZA NO MUNICIPIO

O pasado 12 de marzo abriuse o prazo de inscrición das sesións de capacitación telepresencial dirixidas ao persoal das oficinas de xustiza nos municipios (OXM) tipo A - fase III dos municipios do Pereiro de Aguiar, Allariz e Barbadás, no marco da implantación da Lei orgánica 1/2025 e do novo modelo organizativo NUMO.

Nestas sesións presentaranse os medios tecnolóxicos dispoñibles nas OXM e o seu uso no traballo diario, incluíndo formación específica sobre a recepción e devolución de exhortos desde unha OXM mediante HIJWEB e PORTASINATURAS. As OXM son un servizo esencial para achegar a xustiza á cidadanía e garantir unha atención de proximidade. Por iso a participación nesta formación é moi importante para consolidar este novo modelo de funcionamento.

Se non podes asistir nas datas recomendadas para o teu municipio, podes reservar praza noutra sesión dispoñible.

Para máis información preme na seguinte ligazón da INTRANET:

https://intranet.xustiza.gal/-/aula-telepresencial-numo-nas-oxm-tipo-a-fase-iii-en-pereiro-de-aguiar-allariz-e-barbadas-medios-tecnoloxicos-e-xestion-de-exhortos-con-hijweb-e-portas?inheritRedirect=true&redirect=%2Finicio