CURSOS PREPARATORIOS PARA CELGA 2, 3 E 4 NOVA CONVOCATORIA

RESOLUCIÓN do 6 de febreiro de 2024, da Secretaría Xeral de Política Lingüística, pola que se anuncia, con carácter voluntario e gratuíto, a convocatoria de cursos de lingua galega preparatorios das probas para obter os certificados de lingua galega Celga 2, Celga 3 e Celga 4.

Hai dúas modalidades: presenciais (anexo I) e en liña (anexo II).

As persoas interesadas, que deberán ser maiores de 16 anos, en inscribirse nos cursos, presentarán a súa solicitude a través da plataforma de teleformación da Secretaría Xeral de Política Lingüística, no enderezo electrónico https://formacion-lingua.xunta.gal. Tras acceder á citada plataforma, deberán identificarse co nome da persoa usuaria e contrasinal. Se unha persoa non é usuaria da plataforma, deberá crear unha conta como paso previo á inscrición.

Cada persoa só poderá inscribirse nun único curso.

O prazo de presentación das solicitudes de inscrición será de 15 días hábiles, que se contarán a partir do día seguinte ao da publicación desta resolución no Diario Oficial de Galicia.

Todos os cursos terán un número mínimo de 15 participantes e un número máximo de 30.

Con carácter xeral, cada curso terá unha duración de 70 horas lectivas.

A realización dos cursos non dará dereito a ningún tipo de certificación, pois trátase de cursos de carácter preparatorio das probas conducentes á obtención dos certificados de lingua galega (Celga).

Se precisas máis información PREME AQUÍ