DATA DE PUBLICACIÓN DA NOVA ORDE REGULATORIA DO PERSOAL INTERINO E TRASLADO DO BORRADOR DA CONVOCATORIA

A Dirección Xeral de Xustiza remitiu, para alegacións, o borrador da convocatoria da bolsa de persoal interino. O prazo para facer achegas é ata o próximo venres 13 de marzo ás 14:00 h. A dirección xeral vai darlle prioridade á publicación e resolución da convocatoria dado que as bolsas actuais están esgotadas, o que dificulta enormemente a cobertura das prazas por ausencia do titular ou no caso de vacantes.

En canto á Orde que regula a bolsa, a data de publicación no DOG está prevista para o próximo martes 17 de marzo. Respecto da súa tramitación a Orde atende ao establecido na LOFAXGA, con negociación sindical en mesa sectorial do 17.01.2024, 23.05.2024, 17.07.2024 e 4.02.2025. No portal de transparencia no apartado normativa en tramitación, foi publicitada durante o período comprendido entre o 16.10.2024 e o 24.10.2024. O texto conta cos informes favorables do Consello Xeral do Poder Xudicial, da DX de Promoción da Igualdade, da DX de Emprego Público e Administración de Persoal, da DX de Orzamentos e Financiamiento autonómico e por último da Asesoría xurídica xeral da Xunta de Galicia. O retraso na aprobación da Orde entre o inicio do expediente e súa aprobación final estivo condicionado polo desenvolvemento da Nova Oficina Xudicial.

Para ver o proxecto de bolsa de persoal interino preme na ligazón:

https://transparencia.xunta.gal/tema/informacion-de-relevancia-xuridica/normativa-en-tramitacion/pendente-de-aprobacion/-/nt/0746/proxecto-orde-sobre-seleccion-nomeamento-persoal-interino-para-cubrir-postos