DOTACIÓN INCORRECTA DE DÚAS PRAZAS EN OURENSE

No día de hoxe remitiuse escrito á Dirección Xeral de Xustiza para denunciar que, a través da OPAX tivemos coñecemento da listaxe de persoas preseleccionadas para cubrir dúas prazas na provincia de Ourense, unha concretamente para o Xulgado de Instrución número 1 de Ourense e outra para o Decanato-Servizo Común de Notificacións e Embargos. Desde a CIG entendemos que ditas prazas deben ser anunciadas previamente a substitución, posto que así o establece a Resolución de 18 de maio de 2022 xa que, de non facerse así, a administración estaría infrinxindo a súa propia regulamentación e perxudicando, á mantenta, ás/os titulares que quixeran acceder a ditas prazas, máxime tendo en conta as mellores retribucións fixadas para ambos destinos.