EGAP CURSOS DE IDIOMAS PARA A ADMINISTRACIÓN DE XUSTIZA

RESOLUCIÓN do 6 de febreiro de 2024 pola que se convocan as actividades de formación continua en materia de idiomas para o persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e de administración e servizos (PAS) das universidades do Sistema universitario de Galicia (SUG).

O prazo de presentación de solicitudes será desde o día seguinte ao da publicación desta resolución no Diario Oficial de Galicia e ata o 26 de febreiro 2024.

As solicitudes de participación nas actividades formativas só se poderán realizar mediante o formulario de matrícula telemática dispoñible no enderezo <https://egap.xunta.gal/ matricula> dende as 9.00 horas da data de inicio do prazo de presentación de solicitudes ata as 14.00 horas da data de finalización.

O número máximo de actividades formativas que se poden solicitar nesta convocatoria limítase a tres.

Cada persoa só poderá solicitar un nivel por cada idioma ofertado na modalidade de teleformación e non se poderá solicitar o mesmo nivel cursado na anterior convocatoria.

Durante o prazo de presentación de solicitudes, todo o persoal que desexe solicitar algún dos niveis das actividades de lingua inglesa, francesa, alemá e portuguesa impartidas na modalidade de teleformación terá dispoñible unha proba de nivel orientativa.

Da totalidade das prazas convocadas para xustiza correspondenos un dez por cento.

As persoas seleccionadas poderán renunciar á actividade formativa. A renuncia debe ser comunicada por escrito á EGAP. Na páxina web da Escola está dispoñible un modelo de renuncia.

O prazo para presentar escrito de renuncia iniciarase o día seguinte ao do remate do prazo de matrícula e finalizará tres días antes do inicio da actividade formativa.

Se queres coñecer a listaxe de cursos ofertados  PREME AQUÍ

Para coñecer a resolución completa  PREME AQUÍ