ESTADO LAMENTÁBEL DAS INSTALACIÓNS DO XULGADO DE PAZ DE PONTEDEUME

A central sindical CIG ven a denunciar o estado no que se atopa o Xulgado de Paz de Pontedeume. Os teitos do xulgado están cheos de fendas, a sala de audiencia, onde se celebran as vodas, está chea de humidades, cando chove créanse goteiras e cae a auga no medio da sala producindo grandes deterioros. O edificio no que se encontra o xulgado de paz é compartido con outro departamento do concello, o cal si foi reformado, baixando teitos, pintando..etc.

Os traballadores da Oficina Xudicial xa comunicaron en numerosas ocasións a situación na que se atopa o xulgado e o concello, competente na conservación do estado das instalacións do xulgado de paz, non fai nada ao respecto.

É por iso, que esiximos ante á Dirección Xeral de Xustiza que inste ao Concello de Pontedeume para que realice as reformas oportunas.