FALTA DE MEDIOS TECNOLÓXICOS NO REXISTRO CIVIL DE FERROL

A CIG ven de denunciar ante á DXX a falta de medios tecnolóxicos (escáners e ordenadores de última xeración) que son fundamentais para traballar co novo sistema informático DICIREG e tamén a falta de medios persoais para o desenvolvemento de xeito eficaz da oficina do rexitro civil.

Malia as múltiples peticións da CIG ante a falta de medios tecnolóxicos, desde fai xa 3 meses, a día de hoxe seguen sen contar con eles. É por iso, que nos vemos na necesidade de denunciar ante á DXX e ante os medios a gran discriminación que está a sufrir o Rexistro Civil de Ferrol fronte a outros nos que si que contan con eses medios. 

É fundamental, que se as e os traballadores do Rexistro Civil teñen que adaptarse a un nova ferramenta de traballo que esixe uns medios necesarios para desenvolver esas funcións, sexan provistos deles.