INFORMACIÓN PROCESOS SELECTIVOS OEP 2024

Na Mesa Sectorial celebrada hoxe a orde do día era a negociación das bases das convocatorias dos procesos selectivos da OEP 2024. Ante a proposta do Ministerio de mudar o terceiro exame de Xestión Procesual por un caso tipo test, valorouse tamén na mesa as opcións de facer dous exames tipo test (un teórico e outro práctico) e despois un período de prácticas tuteladas ou por outra banda, mantelo como está e aumentar a dispoñibilidade dos tribunais para axilizar a corrección.
En Tramitación Procesual sobre a inclusión no temario dos contidos en informática solicitamos que se concreten máis e se fixen as versións a utilizar.

Puxemos en coñecemento do Ministerio da necesidade da revisión do temario xa que hai algunhas normas derrogadas.

Solicitamos que se manteña a reserva de nota na promoción interna para todas as opositoras, xa que no borrador que presenta o Ministerio só contempla a reserva de nota para as persoas con discapacidade.

Nas bases vai figurar que os exames dos distintos corpos van a ser o mesmo día. 

Comunícannos que contan ter en dúas semanas o reparto das prazas por ámbitos territoriais. As convocatorias teñen que estar no BOE antes de final de ano, deberían estar en novembro.