LETRADOS/AS PROVISIÓN DE POSTOS LIBRE DESIGNACIÓN

Orde JUS/1124/2023, do 3 de outubro, pola que se convoca a provisión de postos de traballo polo sistema de libre designación.

De conformidade co establecido nos artigos 119 a 125 do Regulamento Orgánico do Corpo de Secretarios Xudiciais, aprobado por Real Decreto 1608/2005 do 30 de decembro, anúnciase a provisión, polo sistema de libre designación, dos postos de traballo cuxa descrición se especifica no anexo da presente convocatoria.

Os postos de traballo que se convocan poderán ser solicitados polo persoal funcionario pertencente ao Corpo de Letradas e Letrados da Administración de Xustiza da categoría primeira, segunda e terceira, que se atopen en situación de servizo activo ou en calquera outras que comporten a reserva do posto de traballo, no momento de finalización do prazo de presentación de solicitudes.

Non poderán tomar parte neste concurso:

a) Quen se atope en situación de excedencia voluntaria sen reserva de praza.

b) Quenes se atopen sancionadas/os con traslado forzoso fora do municipio de destino ata que transcorran os prazos dun ou tres anos aos que se refire o artigo 538 da Lei Orgánica do Poder Xudicial.

c) Non poderán participar as Secretarias e os Secretarios de Goberno e as Secretarias e os Secretarios Coordinadores a os efectos do disposto na Disposición transitoria Cuarta da Lei Orgánica 7/2015, do 21 de xullo, pola que se modifica a Lei Orgánica 6/1985, do 1 de xullo, do Poder Xudicial.

d) Quenes esteñan declaradas/os suspensos en firme, mentres dure a suspensión.