LETRADOS E LETRADAS RECOÑECEMENTO DO MÉRITO PREFERENTE PARA CONCURSO DE TRASLADOS POLO COÑECEMENTO DA LINGUA OFICIAL E DEREITO PROPIO

Resolución de 8 de febreiro de 2024, da Secretaría Xeral para a Innovación e a Calidade do Servizo Público de Xustiza

Sábado, 24 Feb 2024

Resolución do 8 de febreiro de 2024, da Secretaría Xeral para a Innovación e Calidade do Servizo Público de Xustiza, pola que se resolven solicitudes de Letradas e Letrados da Administración de Xustiza sobre recoñecemento do mérito preferente do coñecemento oral e escrito da lingua oficial e do dereito propio de determinadas comunidades autónomas, a efectos de concursos de traslados.

A Secretaría Xeral para a Innovación e Calidade do Servizo Público de Xustiza , entre outras cousas, resolveu o seguinte:

Primeiro.

Aprobar as propostas en relación coas solicitudes presentadas por membros do Corpo de Letradas e Letrados da Administración de Xustiza nas que interesan se lles recoñeza o mérito do coñecemento oral e escrito da lingua oficial propia de determinadas comunidades autónomas, o que supon un recoñecemento aos sós efectos de concursos de traslados dunha puntuación máxima equivalente a tres anos de antigüidade, segundo o nivel de coñecemento, valorándose da seguinte maneira:

Nivel elemental: Un ano.

Nivel medio: Dous anos.

Nivel superior: Tres anos.

Segundo.

Aprobar as propostas en relación coas solicitudes presentadas por membros do Corpo de Letradas e Letrados da Administración de Xustiza nas que interesan se lles recoñeza o mérito do coñecemento do Dereito propio de determinadas comunidades autónomas, o que supon un recoñecemento aos sós efectos de concursos de traslados dunha puntación equivalente a un ano de antigüidade.

Para ver a resolución completa PREME AQUÍ

Volver