O GALEGO, LINGUA VITAL - DÍA DAS LETRAS GALEGAS 2026 - BEGOÑA CAAMAÑO

Este ano 2026 o Día das Letras Galegas homenaxea a Begoña Caamaño Rascado. Ademáis de periodista e escritora Begoña Caamaño conxugou tamén a súa faceta como activista e feminista,  formando parte en diversas ocasións do Comité de Empresa da Radio e ocupando o cargo de presidenta do Comité Interempresas da CRTVG e as súas sociedades, no que destacou na denuncia da manipulación informativa en relación con sucesos de marcada relevancia para a sociedade galega, como foi o caso do afundimento do buque Prestige, e tamen deu pulo á "Asociacón de Mujeres Gallegas en la Comunicación (MUGACOM)" e participou en "Muilleres Nacionalistas Galegas (MNG)" e na Marcha Mundial das Mulleres.

Para converter este vindeiro domingo 17 de maio, Día das Letras Galegas, a plataforma cidadá Queremos Galego, da que fai parte a CIG, anima anunha gran mobilización fronte á negativa da Xunta a garantir os dereitos lingüísticos da súa cidadanía “coa forza, a unidade e o traballo conxunto dunha sociedade que defende o seu idioma porque sabe que é vital para a súa existencia”. 

A manifestación sairá da Alameda de Santiago de Compostela ás 12:00 horas baixo o lema ‘O galego, lingua vital’, e para facilitar os desprazamentos haberá autobuses dende todas as comarcas.

Fronte á política de apartheid do Goberno do PP contra a lingua propia de Galiza, o colectivo pon en valor a forza do pobo e a súa capacidade de resposta, que se ten plasmado no Protocolo Lingua Vital. Unha alternativa “sólida, nacida dun proceso amplo, participativo e plural sobre o que comezar a reverter a emerxencia lingüística”.

Este pacto pola lingua “é o primeiro resultado desa forza, unidade e traballo conxunto” que se visibilizará nas rúas o 17 de maio e que as entidades sociais que participan do proceso comezarán a aplicar na parte que lles corresponde "traballando conxuntamente pola oficialidade real en todos os territorios de lingua galega”.

https://www.cig.gal/nova/este-domingo-17-de-maio-temos-unha-cita-en-compostela-en-defensa-do-galego.html