PROBLEMAS COAS ADSCRIPCIÓNS PROVISIONAIS NO CONCURSO DE TRASLADOS DO CORPO DE XESTIÓN

No día de hoxe dirixímonos por correo electrónico á Dirección Xeral de Xustiza toda vez que, na convocatoria do concurso de traslados realizada o pasado 24 de xaneiro, detectamos un problema coas persoas do Corpo de Xestión de novo ingreso en situación de adscripción provisional. A redacción da Resolución do concurso non contempla a situación das persoas do art. 68 apartado b), só as dos apartados a), c) e e). Así que cremos que, se a intención da administración é englobalos no apartado 3 da base segunda, que é a que se refire ás persoas adscritas do 68 c), deberían de facerllo saber aos/as interesados/as, porque ademais no aplicativo de AINOA non teñen a posibilidade de marcar o apartado b), só o c), polo que, ante a intranquilidade que se esta cuestión está xerando, debería de aclararse esta en aras a evitar futuras xudicializacións.