PRÓXIMA PUBLICACIÓN NO BOE DA TOMA DE POSESIÓN AUXILIO XUDICIAL CONCURSO MÉRITOS

Acaba de informarnos o Ministerio de Xustiza que está prevista a publicación no BOE o día 21 de xullo da resolución coa adxudicación de destinos as persoas que superaron o proceso selectivo para acceso ao Corpo de Auxilio Xudicial polo sistema de concurso méritos (estabilización).

A petición da maioría das Comunidades Autónomas os ceses e as tomas de posesión produciranse a partir do día 1 de setembro, para interferir o menos posible, dado o período de vacacións no que nos atopamos, no funcionamento das unidades afectadas.