PUBLICACIÓN LISTAXE ADMITIDAS/OS E EXCLUÍDAS/OS DOS CURSOS DE LINGUAXE ADMINISTRATIVA GALEGA E CURSOS CELGA

Dende o día de hoxe podedes consultar na aplicación web se fostes admitidos/as nos cursos de linguaxe administrativa galega e cursos preparatorios para os certificados de lingua galega (Celga). Se é así teredes que adxuntar a documentación requerida, tendo un prazo dende hoxe até o 29 de novembro. 

Documentación:

– Unha copia do DNI ou NIE (esta non será necesaria se a persoa xa foi alumna desa escola).

– O xustificante de ser persoal das diferentes administracións públicas de Galicia en situación de servizo activo ou excedencia polo coidado dunha/dun filla/o ou dunha/dun familiar.

– Para o curso medio de linguaxe administrativa, algún dos certificados establecidos no número 3 do punto décimo desta resolución.

– Para o curso superior de linguaxe administrativa, algún dos certificados establecidos no número 4 do punto décimo desta resolución.

– Certificado que acredite que a persoa está gozando ou gozou nos últimos dous anos dunha licenza de maternidade, un permiso de paternidade, unha redución de xornada ou unha excedencia para o coidado de familiares, de ser o caso.

– Certificado acreditativo do grao de discapacidade, de ser o caso.

A documentación presentarase de forma telemática desde a ligazón https://www.eoidigital.com/preinslinguagalega. As persoas interesadas responsabilizaranse da veracidade dos documentos que presenten. As escolas poderanlle solicitar ao alumnado a presentación dos documentos orixinais para o cotexo da copia electrónica presentada.

A falta de presentación destes documentos no prazo establecido dará lugar á exclusión da persoa solicitante previamente seleccionada e a escola poderá dispor da súa praza para ser ocupada pola persoa correspondente da listaxe de espera.