PUBLICACIÓN NO BOE DO REAL DECRETO-LEI DA SUBIDA SALARIAL

Publicouse no BOE do 3 de decembro o Real Decreto-lei 14/2025, do 2 de decembro, polo que se aproban medidas urxentes en materia de retribucións no ámbito do sector público. Entrará en vigor o mesmo día da súa publicación no BOE pero queda pendente a súa ratificación polo Congreso dos Deputados.  

Dito Real Decreto-Lei publicouse en base ao nefasto acordo marco pola mellora do emprego público e o servizo á cidadanía, asinado o 27 de novembro de 2025 polo Goberno de España e as organizacións sindicais UXT e CSIF no que se establece un marco plurianual de incremento retributivo para o persoal ao servizo das Administracións públicas que se estende entre os anos 2025 e 2028.

Unha vez máis duas centrais sindicais estatais, UXT e CSI-F, dan o visto bo a un acordo do goberno para unha subida salarial que non leva aparellada a corrección da perda do poder adquisitivo dos salarios das empregadas/os públicos.

Os atrasos correspondentes a 2025 pagaranse en Galiza no mes de xaneiro, segundo indicou o Director Xeral de Xustiza.

Para ver o Real Decreto-Lei preme na ligazón:

https://www.boe.es/boe/dias/2025/12/03/pdfs/BOE-A-2025-24445.pdf