PUBLICADA A MODIFICACIÓN DA REGULAMENTACIÓN DAS COMISIÓNS DE SERVIZO

Publicouse no DOG a RESOLUCIÓN do 2 de setembro de 2024, da Dirección Xeral de Xustiza, pola que se modifica a Resolución do 21 de marzo de 2022 pola que se establecen criterios para a cobertura de postos de traballo mediante comisión de servizos no ámbito da Administración de Xustiza na Comunidade Autónoma de Galicia. Esta modificación so afecta ao apartado 3 do artigo 1 e ao apartado 1 do artigo 4 que quedarán coa seguinte redacción:

O número 3 do artigo 1 queda redactado do seguinte xeito:

«3. Quedan fóra do ámbito desta resolución as persoas que estean en adscrición provisional, excepto o suposto recollido na letra b) do artigo 68 do Regulamento de ingreso, provisión de postos de traballo e promoción profesional do persoal funcionario ao servizo da Administración de xustiza en Galicia».

O número 1 do artigo 4 queda redactado do seguinte xeito:

«1. Na convocatoria de cobertura temporal de postos de traballo mediante comisión de servizos poderá participar o persoal funcionario de carreira con destino definitivo en calquera ámbito territorial e que estea en servizo activo no mesmo corpo do posto que se pretende prover. Tamén poderá participar o persoal funcionario de carreira que non teña destino definitivo por atoparse na situación do artigo 68.b) do Regulamento de ingreso, provisión de postos de traballo e promoción profesional do persoal funcionario ao servizo da Administración de xustiza en Galicia».

Para ver a resolución completa preme na ligazón: