PUBLICADAS AS NOTAS DE TRAMITACIÓN PROCESUAL CONCURSO-OPOSICIÓN COA RESERVA DE NOTA INCLUÍDA

Hoxe publicouse na páxina web do Ministerio de Xustiza a listaxe de notas tendo en conta a reserva de nota, segundo o establecido no Anexo III.1.5 da convocatoria: as persoas aspirantes que superaran a fase de oposición na convocatoria da OEP 2017-2018, cunha nota superior a mínima fixada, pero non obtiveran praza no corpo polo que se presentaron, por non reunir méritos suficientes na fase do concurso daquela convocatoria, quedarán exentos de realizar nesta convocatoria os exercicios desta fase de oposición. Esta reserva só poderá recoñecerse cando a persoa aspirante se presente polo mesmo corpo, ámbito territorial e turno, salvo que voluntariamente se presente na nova convocatoria para obter mellor nota. E neste caso, si a nota obtida fose inferior ou non superase a fase de oposición, reservaráselle a nota da oposición da convocatoria da OEP 17-18.

Accede aquí a listaxe completa de notas: https://www.mjusticia.gob.es/es/ciudadania/empleo-publico/acceso-libre/tramitacion-Orden-JUS-1327-2022