ULTIMA HORA CONCURSO DE TRASLADOS MODIFICACIÓN DAS VACANTES EN GALIZA

A media mañá de hoxe venres recibimos unha chamada da Dirección Xeral informándonos de que se vai a modificar a lista de vacantes que se ofertarán no concurso por Galiza

Venres, 06 Out 2023

ÚLTIMA HORA DO CONCURSO

MODIFICACIÓN DAS PRAZAS VACANTES EN GALIZA

A media mañá de hoxe venres recibimos unha chamada da Subdirectora da DX informándonos de que se vai a modificar a lista de vacantes que se ofertarán no concurso.

A razón é que se convocaron para a oposición un maior número de prazas das que agora teñen dispoñibles para outorgar destino, polo que a DX tomou a decisión de retirar do concurso aquelas prazas que non teñan sido cubertas a resultas no do ano pasado.

Entendemos que é un problema grave ao que a DX ten que buscar solución e que ningún aprobado/a se debe ver prexudicado/a pola mala previsión das persoas responsables, pero ofertando un menor número de prazas estase aminorando a posibilidade de que os compañeiros e compañeiras que están destinados/as fóra de Galiza ou lonxe do seu domicilio poidan acadar unha praza máis próxima.

Denunciamos polo tanto o mal facer da Administración neste caso así como o prexuízo que se está a causar ás persoas que queren participar neste concurso de traslados.

Pendente das modificacións das prazas que se van a ofertar no concurso por Galiza, o resto quedaría como segue:

Publicouse na páxina web do Ministerio de Xustiza Orde de 27-9-2023, do Ministerio de Xustiza remitida ao BOE, pola que se anuncia concurso de traslados ordinario entre persoal funcionario dos Corpos de Xestión, Tramitación e Auxilio da Administración de Xustiza, así como as prazas para resultas do ámbito do Ministerio de Xustiza e das Comunidades Autónomas con competencias transferidas.