Variación salarios AEAT 2020-2026: perda de poder adquisitivo

A evolución salarial do persoal da Axencia Tributaria entre 2020 e 2026 confirma unha perda continuada de poder adquisitivo, consecuencia de subas retributivas sistematicamente por debaixo do IPC.

Mesmo coa aplicación dos incrementos previstos nos acordos estatais, que a CIG non asinou nin comparte, os salarios seguen sen compensar o aumento real do custo da vida. No ano 2025, por exemplo, a suba máxima foi do 2,5% fronte a un IPC do 2,8%, consolidando un novo recorte encuberto.
Esta dinámica repetida ao longo dos anos supón un empobrecemento progresivo do persoal empregado público, cunha perda acumulada que supera amplamente o 20%. Dende a CIG esiximos incrementos salariais reais por enriba do IPC, unha cláusula de garantía salarial e a recuperación do poder adquisitivo perdido.
Accede ao noso blog para ver o video explicativo.

No Blog mais nos adxuntos vai o documento con todos os datos, xa que as táboas conteñen moitos datos e por aquí non se verían ben, pero tede en conta que a perda é dun 8,24% dende xaneiro de 2020 ata decembro de 2025:

Nota 1: Os datos de IPC empregados chegan ata decembro de 2025. Os correspondentes a xaneiro de 2026 publicaranse o martes 10de febreiro, momento no que se enviarán as táboas actualizadas.
Nota 2: Non se inclúen os importes de PIA nin outras produtividades, ao non seren iguais todos os anos e dependeren de diversos factores (área na que se presta servizo, obxectivos, etc.).