CONVOCADAS PROBAS SELECTIVAS DE ACCESO AO CORPO DE LETRADOS/AS - QUENDA LIBRE E PROMOCIÓN INTERNA

Publicouse no BOE do 31 de marzo de 2025 a resolución pola que se convoca proceso selectivo para ingreso, polo sistema xeral pola quenda libre e promoción interna, no Corpo de Letrados da Administración de Xustiza.

A distribución por quendas de acceso e OEP das 417 prazas convocadas é a seguinte:
– Para a OEP 2023:
● Quenda libre: 177 prazas, das cales 12 constitúen a cota de reserva de persoas
con discapacidade.
● Acceso por promoción interna: 77 prazas, das cales 5 constitúen a cota de reserva
de persoas con discapacidade.
– Para a OEP 2024:
● Acceso libre: 114 prazas, das cales 11 constitúen a cota de reserva de persoas
con discapacidade.
● Acceso por promoción interna: 49 prazas, das cales 5 constitúen a cota de reserva
de persoas con discapacidade.

As persoas aspirantes só poderán participar nunha das quendas, quenda libre ou promoción interna, xa que os sistemas xerais pola quenda libre e a de promoción interna son independentes.

A presentación da instancia de solicitude deberá presentarse no prazo de VINTE DÍAS HÁBILES (1 de abril ata o 30 de abril), contados a partir do día seguinte ao da data de publicación desta convocatoria no «Boletín Oficial do Estado», e enviarase por vía electrónica a través do servizo de Inscrición en Procesos Selectivos do punto de acceso xeral, http://administracion.gob.es/pag/ips, ao que se pode acceder directamente ou a través do portal web do Ministerio da Presidencia, Xustiza e Relacións cas Cortes, www.mjusticia.gob.es (Empleo público–Oposiciones y procesos selectivos).

Para ver a resolución completa preme na seguinte ligazón: