NOTAS INFORMATIVAS SOBRE OS PROCESOS SELECTIVOS

Publicouse na páxina web do Ministerio de Xustiza notas informativas sobre os seguintes procesos selectivos: 

XESTIÓN PROCESUAL E ADMINISTRATIVA

Proceso convocado pola Orde PJC/1435/2024
Proceso convocado pola Orde PJC/104/2024

AUXILIO XUDICIAL

Proceso de quenda libre convocado pola Orde PJC/1357/2024
Proceso de estabilización concurso de méritos convocado pola Orde JUS/1288/2022

As notas informativas veñen a explicar que o Tribunal Calificador Único (TCU) informa de que hai persoas que aparecen como aprobadas no proceso de Auxilio Xudicial da Orde PJC/1357/2024, pero que xa foron nomeadas funcionarias de carreira no proceso anterior (Orde JUS/1288/2022) e aínda están pendentes de tomar posesión.

O TCU aclara que non ten competencia para excluílas directamente da lista de aprobados. Porén, pide que, cando estas persoas tomen posesión a partir do 1 de setembro de 2026, envíen unha copia da toma de posesión ao correo do TCU.

Isto só deberán facelo as persoas que aparezan tamén na lista de aprobados da Orde PJC/1357/2024. Deberán indicar o seu nome e apelidos, o ámbito territorial e o proceso polo que tomaron posesión.

Unha vez recibida a documentación, o TCU comunicará a situación ao órgano competente, para que este determine as consecuencias que correspondan pola posible incompatibilidade entre ambos procesos.

En resumo: o TCU non vai excluír directamente a ninguén, pero cando unha persoa tome posesión como funcionaria no proceso JUS/1288/2022, comunicará o feito ao órgano competente se tamén figura como aprobada no PJC/1357/2024.