OPOSICIÓNS XESTIÓN, TRAMITACIÓN E AUXILIO, QUENDA LIBRE, OFERTA DE EMPREGO PÚBLICO 2023

Resolución publicada no BOE de 1 de febreiro de 2024

Xoves, 01 Feb 2024

Orde PJC/64/2024, do 25 de xaneiro, pola que se convocan procesos selectivos para ingreso, polo sistema xeral de quenda libre, mediante oposición, aos Corpos de Xestión Procesual e Administrativa, Tramitación Procesual e Administrativa e Auxilio Xudicial da Administración de Xustiza.

O total de prazas ofertadas é:

Corpo de Xestión Procesual e Administrativa: 288 prazas (das cales 20 reservanse para persoas con discapacidade).

Corpo de Tramitación Procesual e Administrativa: 406 prazas (das cales 28 reservanse para persoas con discapacidade).

Corpo de Auxilio Xudicial: 358 prazas. (das cales 26 reservánse para persoas con discapacidade).

Os aspirantes, dentro de cada Corpo, só poderán concorrer por un único ámbito territorial.

As prazas reservadas para persoas con discapacidade que queden desertas non se acumularán ás da cota xeral.

As persoas aspirantes que opten pola cota de reserva de persoas con discapacidade haberán de indicalo na solicitude.

Quen desexe participar nestes procesos selectivos deberá presentar electronicamente o modelo oficial de solicitude de admisión a probas selectivas na Administración Pública e liquidación de taxas de dereitos de exame (modelo 790), que estará dispoñible no servizo de Inscrición en Probas Selectivas (IPS) do Punto de Acceso Xeral:

https://administracion.gob.es/pag_Home/empleoPublico/ips.html

A persoa aspirante que solicite presentarse ao proceso selectivo precisará un certificado dixital válido de persoa física.

O prazo de presentación de solicitudes será de vinte días hábiles, contados a partir do seguinte ao da publicación da presente orde no Boletín Oficial do Estado.

As taxas de dereitos de exame:

Xestión Procesual e Administrativa de 23,33 euros (11,67 euros en caso de dereito a redución do 50 por cento).
Tramitación Procesual e Administrativa de 15,57 euros (7,79 euros no caso de dereito a redución do 50 por cento).
Auxilio Xudicial de 11,66 euros (5,83 euros no caso de dereito a redución do 50 por cento).

Duración do proceso selectivo:

O primeiro exercicio realizarase dentro dos tres meses seguintes á publicación da convocatoria no Boletín Oficial do Estado.

A fase única de oposición terá unha duración máxima de tres meses desde a realización do exercicio, salvo que concorra causa obxectiva que o xustifique, apreciada pola Secretaría de Estado de Xustiza, oído o Tribunal Cualificador Único.

O órgano de selección fará público un cronograma orientador coas datas de realización das distintas probas.

O desenvolvemento dos tres procesos selectivos poderá ser coincidente no tempo, en calquera das súas fases, entre si ou con calquera outros procesos selectivos, sendo o mes de agosto inhábil para estes efectos.

Os exercicios da oposición terán lugar, para cada un dos Corpos, o mesmo día e á mesma hora en todas as sedes de exame, e realizarase dentro dos corenta e cinco días seguintes á publicación da resolución pola que se eleva a definitiva a relación de persoas admitidas e excluídas, publicándose no BOE a data, hora e lugares da súa celebración.

Se precisas acceder a resolución completa PREME AQUÍ