PUBLICACIÓN CONVOCATORIA DE ACCIÓN SOCIAL 2024

No DOG do 5 de xuño publicouse a RESOLUCIÓN do 16 de maio de 2024, da Dirección Xeral de Xustiza, pola que se realiza a convocatoria para as solicitudes do Fondo de Acción Social do ano 2024 para o persoal ao servizo da Administración de Xustiza con destino na Comunidade Autónoma de Galicia.

O prazo de presentación de solicitudes será de quince (15) días hábiles contados a partir do día seguinte ao da publicación desta convocatoria no Diario Oficial de Galicia.

As persoas solicitantes deberán completar obrigatoriamente o formulario electrónico da solicitude a través da OPAX (Oficina Virtual do Persoal da Administración de Xustiza), no enderezo web opax.xunta.es, para o cal están habilitadas dúas modalidades de identificación:

a) Se se dispón dun certificado dixital recoñecido (DNI electrónico, tarxeta de identificación de persoal ao servizo da Administración de xustiza en Galicia ou outro), poderase acceder con este e a súa correspondente clave.

b) De non disporen dun certificado dixital recoñecido, as persoas solicitantes accederán á OPAX mediante o seu usuario e contrasinal. Para o caso de que o sistema non recoñeza o usuario como válido ou de que este non lembre o seu contrasinal, farase uso da opción habilitada na OPAX para estes efectos.

Ligazón:

https://www.xunta.gal/dog/Publicados/2024/20240605/AnuncioG0759-280524-0001_gl.pdf