REFORZO DA AXE NOS ÓRGANOS XUDICIAS ABERTO O PRAZO DE INSCRICIÓN

Volta a actividade "Reforzo da AXE para órganos xudiciais". O primeiro luns de cada mes impartiranse sesións en liña para reforzar os teus coñecementos sobre a Administración Xudicial Electrónica (AXE) e repasar boas prácticas no eido do expediente xudicial electrónico.

Contidos:

1. Corpos de xestión, tramitación e auxilio xudicial

• Repaso Guía Boas Prácticas do EXE
• Repaso do uso do sistema de xestión procesal MINERVA
  • Rexistro do NIX único. Revisión e aclaración do concepto.
  • Importancia da calidade dos datos dos participes e intervenientes nos expedientes.
  • Uso de axenda de sinalamentos. Obrigatoriedade e impactos do mal uso.
  • Incorporación de documentos escaneados, orde e probas gráficas e vídeos, ou outra documentación. Uso do zip en Minerva. Tipos documentos que non se ven no Visor.
  • Rexistro de acontecementos en Minerva. Uso das categorías e impacto no Visor.
  • Comunicación a órganos: acumulacións, inhibicións, itineracións e comunicado a órganos.
  • Notificación telemática. Asignación do tipo de acto e incorporación da documentación. Impactos do mal uso.
  • Xestión de tarefas: funcionalidade “tareas pendientes”, asignación de procedementos e utilización das minutas e dacións de conta.
• Repaso do uso do Visor-EXE
  • Uso dos filtros e os seus efectos nas descargas. Botón ver todo.
  • Uso do calendario.
  • O expediente administrativo, consulta e compartición.
  • Promoción do curso Visor e dos espazos na Intranet.
• Repaso sobre as gravacións.
  • Visión do fluxo completo e do cumprimento das etapas: uso da axenda de sinalamentos de Minerva e datos no eFidelius para integración dos vídeos no Visor.
  • Compartición das gravacións desde eFidelius.

2. Carreira xudicial e LAX

• Procura de expedientes para o acceso e visualización dos procedementos
• Minuta
• Entorno
• Tarefas pendentes
• Visor-EXE

Planificación sesións en liña

As sesións terán lugar en formato de videoaula en directo con 2 horas de duración. As convocatorias son por provincias e teñen lugar o primeiro luns de cada mes, salvo que esa data coincida con período vacacional, para facilitar a asistencia.

Se estas interesado en asistir preme na ligazón:  https://intranet.xustiza.gal/capacitacion-reforzo-axe