TRAMITACIÓN QUENDA LIBRE SOLICITUDE DE DESTINOS A DIRECCIÓN XERAL INFORMA CO PRAZO REMATA O DÍA 6

No día de hoxe, vía correo electrónico, a Dirección Xeral de Xustiza infórmanos do seguinte:

Transcribimos literalmente: "Antes as consultas recibidas sobre o prazo para a elección de destinos en relación a Resolución do 16 de xaneiro de 2024, da Dirección Xeral de Xustiza, pola que se fai pública a relación de prazas que se ofrecen ás persoas aprobadas, correspondentes ao ámbito da Comunidade Autónoma de Galicia, nas probas selectivas para ingreso no corpo de tramitación procesual e administrativa da Administración de xustiza, quenda libre, convocada pola Orde JUS/1254/2022, do 7 de decembro; informase que o prazo para a presentación das solicitudes remata o martes 6.02.2024."

Dende a CIG creemos que é unha interpretación errónea do Servizo de Persoal da Administración de Xustiza dependente da Dirección Xeral de Xustiza. O garante e quen ten as competencias nos procesos selectivos para o ingreso nos corpos de Xestión, Tramitación e Auxilio é o Ministerio da Presidencia, Xustiza e Relación coas Cortes, e éste publicou o pasado día 30 de xaneiro, na súa páxina web, unha nota aclaratoria na cal entre outras cousas di "Los plazos a la hora de presentar solicitudes y documentación requerida se cuentan a partir del día siguiente de la publicación de la Orden PJC/54/2024, de 25 de enero (publicada hoy 30 de enero)".

Non nos sorprendería nada que nos próximos días a Dirección Xeral correxira este comunicado, pero para curarnos en saúde, dende a CIG preferimos informar a todolos opositores e opositoras.