XESTIÓN CONCURSO OPOSICIÓN PLANTILLAS DEFINITIVAS DE RESPOSTAS VÁLIDAS

TRIBUNAL CUALIFICADOR ÚNICO DO PROCESO SELECTIVO PARA INGRESO, POLO SISTEMA XERAL DE QUENDA LIBRE, AO CORPO DE XESTIÓN PROCESUAL E ADMINISTRATIVA DA ADMINISTRACIÓN DE XUSTIZA, POLO SISTEMA DE CONCURSO OPOSICIÓN, DERIVADO DA LEI 20/2021, DO 28 DE DECEMBRO, DE MEDIDAS URXENTES PARA A REDUCIÓN DA TEMPORALIDADE NO EMPREGO PÚBLICO.

O TCU reunido o 21 de marzo adopta o seguinte acordo:

PRIMEIRO.- Recibidas as alegacións presentadas polos aspirantes ás plantillas provisionais de respostas dos exercicios celebrados o pasado 2 de marzo, este Tribunal decidiu:

- Do primeiro exercicio: anular a pregunta 56 do modelo A (pregunta 54 do modelo B), pregunta 60 do modelo A (pregunta do 80 modelo B), a pregunta 81 do modelo A (pregunta 29 do modelo B) e a pregunta 86 do modelo A (pregunta 34 do modelo B), que son substituídas polas preguntas de reserva 101 a 104, ao estimarse as alegacións presentadas polos interesados.

- Do segundo exercicio: anular a pregunta 113 do modelo A (pregunta 114 do modelo B), substituída pola correspondente pregunta de reserva (pregunta 125 en ambos os modelos), ao estimarse as alegacións presentadas.

- Do terceiro exercicio: anular a pregunta 3, ao estimarse as alegacións presentadas polos interesados, de maneira que a puntuación máxima deste exercicio será de 22.5 puntos.

Desestímanse o resto das impugnacións presentadas ao carecer de fundamento xurídico suficiente para proceder a súa anulación e axustarse á normativa vixente, así como ao programa da convocatoria.

SEGUNDO.- Proceder á publicación das plantillas definitivas de respostas correctas correspondente aos exercicios da fase de oposición do proceso selectivo para ingreso, no Corpo de Xestión Procesual e Administrativa da Administración de Xustiza, celebrado o 2 de marzo de 2024.

TERCEIRO.- Aclarar que, tanto nas instrucións particulares, como en cantas comunicacións e indicacións foron emitidas por este TCU, queda recollido que se repartían 5 follas autocopiativas e un sobre tamaño folio para a realización do terceiro exercicio, follas nas que se debían responder as preguntas unha a continuación doutra, ata un máximo dunha folla por cada pregunta, pero recolléndose tamén que se tiñan que entregar aos opositores as follas que puidesen necesitar e solicitasen aos vixiantes das súas aulas, ata as 10 follas.

CUARTO.- De conformidade co establecido no punto 1.3 do Anexo II da convocatoria, acordáronse como criterios de valoración das preguntas do terceiro exercicio os seguintes, ata o máximo de 2.5 puntos por cada pregunta:

- 2: nivel de coñecementos do aspirante.

- 0.5: claridade e orde de ideas, calidade de expresión escrita, forma de presentación.

Achéganse nas ligazóns acordo e plantillas definitivas:

Acordo de publicación das plantillas definitivas

PLANTILLA DEFINITIVA DE RESPOSTAS XESTIÓN PA - PRIMEIRO EXERCICIO - MODELO A

PLANTILLA DEFINITIVA DE RESPOSTAS XESTIÓN PA - PRIMEIRO EXERCICIO - MODELO B

PLANTILLA DEFINITIVA DE RESPOSTAS XESTIÓN PA - SEGUNDO EXERCICIO - MODELO A

PLANTILLA DEFINITIVA DE RESPOSTAS XESTIÓN PA - SEGUNDO EXERCICIO - MODELO B

Seguimento do proceso selectivo  PREME AQUÍ