Goberno e sindicatos estatais repiten a estafa, reciclan o Acordo 2022- 2024 e pactan de novo o que nunca aplicaron

Ante o novo acordo que o Goberno e as organizacións sindicais estatais presentaron o 27 de novembro, coa presenza do propio Presidente do Goberno e cun ton de falso “gran éxito negociador”, cómpre denunciar con claridade que moitas das medidas anunciadas como novidades, avances históricos ou conquistas sindicais xa estaban recollidas no Acordo Marco para unha Administración do Século XXI, asinado o 19 de outubro de 2022, e que foi amplamente incumprido polo propio Goberno.

As organizacións sindicais asinantes —CSIF e UGT, e CCOO pendente de adherirse— ignoran deliberadamente estes incumprimentos para poder vender como novo aquilo que xa fora pactado e nunca executado.

A continuación, presentamos unha breve análise das cláusulas incumpridas do Acordo de 2022 e que, sorprendentemente, volven aparecer agora no acordo 2025-2028 como se fosen medidas inéditas.

1. Retribucións (Cláusula Primeira)

✔ Perda de poder adquisitivo. A inflación de 2022–2024 superou amplamente as subas pactadas.

✔ O Goberno introduce novas propostas 2025–2028 negociadas fóra das mesas, ignorando o TREBEP.

2. Xornada das 35 horas (Cláusula Segunda)

✔ O acordo de 2022 establecía a eliminación das limitacións para a implantación das 35 horas.

✔ A AGE segue en 37,5 horas, e o Goberno nin promoveu cambios normativos nin abriu negociacións reais.

3. Derrogación do RD-lei 20/2012 (Cláusula Terceira)

✔ O acordo incluía a recuperación de dereitos sindicais e días adicionais previos ao 2012.

✔ O novo acordo de “recursos sindicais” non se asemella en absoluto ao anterior derogado no 2012. Tampouco se recuperaron os días adicionais eliminados en 2012.

4. Clasificación profesional e Grupo B (Cláusula Cuarta)

✔ Compromiso de desenvolver o Grupo B en 2023, conforme ao artigo 76 do TREBEP.

✔ O Grupo B segue practicamente inexistente na AGE, sen avance ningún. 5. Igualdade de xénero (Cláusula Quinta)

✔ O 2022 recollía obrigatoriedade de plans de igualdade, protocolos negociados e creación dun Rexistro Público de Plans. ✔ Na realidade, moitas administracións carecen de plans actualizados, a AGE non implantou un modelo estatal común e o Rexistro Público simplemente non existe.

6. Digitalización e teletraballo (Cláusula Sexta)

✔ Un dos incumprimentos máis graves.

✔ O Acordo de Teletraballo da AGE, asinado en abril de 2021, segue sen publicar nin aplicar.

✔ A atención presencial deteriorouse pola falta de persoal, OEPs deficitarias e pola dependencia da taxa de reposición, xusto o contrario do que o acordo proclamaba.

7. Atracción e retención de talento / Emprego público (Cláusula Sétima)

✔ O acordo comprometía emprego neto nas OEP, redución da temporalidade por baixo do 8% e reforzo das prazas.

✔ A temporalidade segue por riba do 8%, as OEP son insuficientes para cubrir xubilacións masivas e non se reformaron os procesos selectivos.

8. Extensión ao sector público institucional (Cláusula Oitava)

✔ O acordo obrigaba a negociar a adaptación das medidas aos entes e axencias.

✔ A día de hoxe non existe ningún avance significativo.

9. Compromisos específicos para a AGE (Cláusula Novena) Incluíase:

✔ A reforma da Lei de Función Pública, segue pendente.

✔ Actualización das dietas e desprazamentos, non se fixo.

✔ Outras medidas estruturais, como a recollidas no R.D 6/2023 sen aprobación das organizaións sindicais e sen executar.

CONCLUSIÓN

O Acordo Marco para unha Administración do Século XXI non se cumpriu e non se materializou en gran parte das súas medidas. Todo aquilo que agora se volve presentar como novo no acordo 2025–2028 xa estaba pactado no 2022 e foi sistematicamente ignorado polo Goberno.