DENUNCIA POLA FALTA DE SIMULACROS PERIÓDICOS DE EMERXENCIA E EVACUACIÓN NOS EDIFICIOS XUDICIAIS DE GALIZA

Xoves, 22 Out 2026

Este sindicato presentou denuncia ante Dirección Xeral de Xustiza e dos órganos competentes en materia de prevención de riscos laborais da Administración da Xunta de Galiza, pola falta de realización regular de simulacros de emerxencia e evacuación nos edificios xudiciais de Galiza, así como pola ausencia de información suficiente e de planificación coñecida sobre a súa programación nas distintas sedes xudiciais.

A realización periódica de simulacros constitúe unha medida esencial para garantir a seguridade e a saúde do persoal ao servizo da Administración de Xustiza, así como das persoas usuarias que acoden diariamente ás instalacións xudiciais. Estes exercicios permiten comprobar a eficacia dos plans de emerxencia e evacuación, identificar posibles deficiencias, verificar a
operatividade das vías de evacuación e asegurar que o persoal coñece os protocolos que debe seguir ante unha situación de risco.

No escrito que presentamos solicitamos que se nos dea traslado dun cronograma de simulacros previsto e das medidas que se van adoptar para garantir a súa realización, avaliación e seguimento en todas as sedes xudiciais galegas, así como da información actualizada sobre os últimos exercicios realizados e os plans de emerxencia e autoprotección aplicables.

Para ver o xustificante de presentación preme na ligazón:


Buscador

Contacta coa CIG Xustiza

  • A Coruña:
    657 768 693 - 635 607 376
    cigxustiza.acorunha@gmail.com
  • Compostela:
    604 042 377
    cig.santiago@xustiza.gal
  • Ferrol:
    637 108 945
    cigxustiza.ferrol@gmail.com
  • Lugo:
    639 921 202 - 616 788 881
    cig.lugo@xustiza.gal
  • Ourense:
    636 424 191
    mondraprayer@hotmail.es
  • Pontevedra:
    646 023 058
    josefinaiglesiasdelacampa@yahoo.es
  • Vigo:
    669 760 087
    cig.vigo@xustiza.gal