PROBLEMAS COA CORRESPONDENCIA E O REPARTO ENTRE AS DÚAS PRAZAS DE VIOLENCIA DE XENERO DE VIGO E O XULGADO DE INSTRUCIÓN Nº 8

O sector de xustiza da CIG en Vigo ven de remitir escrito ao Director Xeral de Xustiza denunciando a problemática existente no reparto de asuntos entre os que, en teoría, deberían ser as dúas Prazas de Maxistradas/os de Violencia de Xénero da cidade confundindose unha desas prazas co antigo Xulgado de Instrución nº 8:

Primeiro.- Que  se vén detectando, de maneira reiterada, unha incidencia na identificación da correspondencia do antigo xulgado de instrución 8 de Vigo xa que, tanto na correspondencia postal como nos correos electrónicos e na documentación remitida a través das valixas procedentes do Decanato, a documentación correspondente ao Xulgado de Instrución 8  aparece identificada como Xulgado de Violencia sobre a Muller.

Segundo.- Que esta situación está a provocar confusión na cidadania, xa que as persoas destinatarias reciben comunicacións que figuran como procedentes do Xulgado de Violencia sobre a Muller cando, na realidade, corresponden a procedementos tramitados polo Xulgado de instrucción nº 8 de Vigo, sen relación coa materia de violencia sobre a muller.

Tercero.- Que esta circunstancia pode xerar alarma innecesaria nas persoas destinatarias, ao asociarse a recepción de documentación cun órgano xudicial especializado en violencia sobre a muller sen que exista tal relación realmente.

Cuarto.- Que, ademais, esta situación está a provocar un incremento innecesario da carga de traballo, ao obrigar ao persoal a realizar comprobacións adicionais para determinar a correcta procedencia da documentación, producíndose duplicidade de tarefas e afectando á organización e eficiencia do servizo.

Quinto.- Que esta circunstancia supón unha deficiencia organizativa que pode afectar ao correcto funcionamento do servizo público de xustiza, así como á imaxe da Administración ante a cidadania.

Por todo o exposto, solicitamos que por parte desa Dirección Xeral se analice a situación descrita, adoptando as medidas organizativas e técnicas inmediatas para correxir e diferenciar de maneira clara e inequívoca a denominación do Xulgado de Instrución nº 8 (actualmente Praza 8 de Instrución - Area Penal ) de Vigo respecto das dúas Prazas do Xulgado de Violencia sobre a Muller (actualmente Praza 1 e 2 de Violencia dé Xénero-Area Penal), tanto na correspondencia postal como nos correos electronicos, sistemas informaticos e documentación remitida mediante valixa.

Todo isto, co fin de garantir o correcto funcionamento da Administración de Xustiza e evitar posibles prexuízos tanto para a cidadanía como para o propio persoal

Para ver o xustificante de presentación preme na ligazón: