SOLICITUDE DE MANTEMENTO DO REFORZO DO REXISTRO CIVIL DE LALÍN

A levanza do  rexistro Civil de Lalín, ata finais do mes de xaneiro deste ano, era asumido por unha funcionaria do corpo de auxilio  xudicial do Xulgado de 1ª Instancia e Instrución Nº 1 de Lalín.

Tras o aumento da carga de traballo adxudicouse por parte da administración un reforzo, implantándose así mesmo con data 15 de Febreiro a nova aplicación DICIREG.

Sabendo que a poboación de Lalín xa no 2023, segundo o Instituto Nacional de Estatística, alcanzaba os 20.282 habitantes, entendemos que o reforzo é necesario máis ala do 31 de Marzo, data na que se pretende a súa finalización.

Non e entendible tal pretensión para un xulgado mixto, xa que na maioría dos xulgados de paz o Rexistro Civil é levado por dous funcionarios/as.

Por todo o exposto,  solicítase a prolongación do reforzo ata a implantación da nova lei de eficiencia, marcada a súa aplicación antes do 1 de xullo deste ano, onde o rexistro civil será levado, según o borrador remitido pola Dirección Xeral de Xustiza,  por un funcionario/a do corpo de xestión, mais outro do corpo de tramitación dos destinados en Lalín.