A ÁREA PÚBLICA DA CIG RECLAMA A RECUPERACIÓN DE DEREITOS DO PERSOAL DAS ADMINISTRACIÓNS PÚBLICAS

O pasado martes 17 de decembro, concentrámonos diante do Parlamento de Galiza, coincidindo co debate dos orzamentos da Xunta para 2025 para denunciar que con esta lei se perpetúan os recortes de 2012 e para reclamar a recuperación dos dereitos do persoal das administracións públicas.

Dende a CIG-Xustiza exiximos, entre outras demandas, dotación orzamentaria suficiente para a verdadeira implantación do expediente electrónico así como para a instauración das relacións de postos de traballo derivadas da aprobación da Lei Orgánica de Eficiencia Organizativa. E tamén, non deixamos de denunciar que a pesar de que no 2018 houbo folga no sector reivindicando a actualización do complemento transitorio, atopámonos no 2024 que Galiza volve estar á cola do Estado no complemento autonómico.