A CIG ASISTE AO DEBATE DA MOCIÓN SOBRE A ADMINISTRACIÓN DE XUSTIZA NO PLENO DO PARLAMENTO GALEGO

Onte varias representantes da CIG asistimos ao Pleno do Parlamento Galego para seguir o debate da moción presentada polo grupo parlamentar do Bloque Nacionalista Galego sobre a grave situación que atravesa a Administración de Xustiza en Galiza.

A moción recolle reivindicacións que a CIG leva tempo defendendo: máis persoal nos corpos de Xestión, Tramitación e Auxilio, reforzos inmediatos nos órganos saturados, ampliación da planta xudicial nos partidos xudiciais que presentan unha carga de traballo claramente superior aos módulos establecidos, poñendo fin á política de infradotación de medios que está a provocar atrasos e un empeoramento do servizo público e máis competencias para Galiza.

Seguiremos esixindo máis medios, máis persoal e unha Xustiza pública de calidade, ao servizo da cidadanía e con condicións laborais dignas para o persoal.