ACCIÓN SOCIAL 2024: LISTAXES PROVISIONAIS DE SOLICITUDES ADMITIDAS E EXCLUÍDAS

No día de hoxe mantivemos reunión coa DXX a cal nos remitiu os datos das listaxes provisionais das solicitudes de admitidas e excluídas correspondentes ás axudas do Fondo Social de Acción Social deste ano 2024.

Os datos facilitados pola DXX son os seguintes:

• Número total de solicitudes presentadas: 140 sendo 127 simples, 12 dobres e 1 tripla
• Número total de beneficiarias/os: 154 
• Solicitudes admitidas provisionalmente: 113 que corresponden a 121 beneficiarios/as
• Solicitudes excluídas provisionalmente: 31 que corresponden a 33 beneficiarios/as
• 4 solicitudes provisionalmente concedidas a unha/un benefeciaria/o e denegadas para as outras porque son dobres

A DXX infórmanos de que hoxe enviarán a documentación para a súa publicación no DOG, pero aínda non se sabe cando será publicado no Boletín Oficial. O prazo para presentar alegacións as listas provisionais sempre soe ser de 10 días hábiles a contar dende o día seguinte a publicación.

Para consultar individualmente o estado das solicitudes hai que entrar en OPAX (http://opax.xunta.es)

A data de pagamento aínda non se sabe.

A CIG lamenta que sigamos a ter unha partida orzamentaria exactamente igual desde o ano 2020 cando a carestía da vida cada vez é maior, a suba do IPC nestes últimos 4 anos sitúase nun 16,7% e o persoal da administración de xustiza levamos perdendo máis do 18% do poder adquisitivo nos últimos anos. Para a elaboración do programa de Acción Social é necesario o incremento do orzamento do Fondo de Acción Social até alcanzar o 1% da masa salarial, xa que o actual é totalmente insuficiente e non permite a creación de novos programas de actuación.