APROBAN HOXE NO CONSELLO DE MINISTR@S A SUBIDA SALARIAL PENDENTE DO 2%

Hoxe aprobouse a subida salarial pendente do 2% para os/as funcionarios/as. Esta subida salarial ten efectos retroactivos desde o 1 de xaneiro de 2024 e cobrarase, en principio, na nómina de xullo.

Lembramos que esta subida salarial é un acordo asinado entre os sindicatos CCOO, UGT e o Goberno español, un acordo a tres anos que non se vinculaba directamente co IPC, foi un pacto á baixa que nos fai perder diñeiro. En dous anos perdemos o 1,8% de poder adquisitivo nas nosas nóminas. A proposta da CIG era subir un 5% cada ano cunha cláusula de revisión salarial ao final de cada ano, garantindo así que non perdésemos poder adquisitivo ao longo da vixencia do acordo.