TÍMIDO AVANCE NAS NEGOCIACIÓNS DA LOEO

A CIG ven de participar na Mesa Sectorial do Ministerio de Xustiza que se convocou como continuación da negociación dos aspectos fundamentais da LOEO. Entre as novidades máis destacadas que tratamos hoxe na reunión está a apertura do Ministerio a aumentar a promoción interna de todos os corpos, incluído LAX, ao 50% das prazas da OEP, acrecentando a quenda libre as que non se cubran por este sintema.

Tamén considerou a reducción de efectivos mínimos para a creación obrigatoria das áreas, baixando de 15 a 12 xuizas. Aínda que é un acercamento queda lonxe da nosa proposta.

En canto ao proceso de acoplamento conseguimos que queden garantidas no texto as retribucións complementarias actualmemte percibidas, incluíndo Imelga, gardas, SCNE, servizo de apoio … No texto proposto polo Ministerio establecíase como preferencia para obter destino nesta fase de acoplamento o escalafón, finalmente conseguimos que se mudase este criterio polo antigüidade no centro de destino.

Para a vindeira semana haberá unha nova reunión na que o Ministerio pretende chegar a un acordo e no que anunciou que se incluirán outras cuestións como o teletraballo e o control horario para o persoal que actualmente non o ten establecido.